جمعہ, فروری 14, 2025
اشتہار

ایم کیو ایم کے رکن اسمبلی کامران فاروقی گرفتار

اشتہار

حیرت انگیز

کراچی: سیکیورٹی اداروں نے خفیہ اطلاع پر کارروائی کرتے ہوئے ایم کیو ایم کے رکن سندھ اسمبلی محمد کامران فاروقی کو  12 مئی سمیت اہم مقدمات میں ملوث ہونے کے الزام میں گرفتار کرلیا۔

ذرائع کے مطابق قانون نافذ کرنے والے اداروں نے خفیہ اطلاع موصول ہونے کے بعد نارتھ ناظم آباد میں کارروائی کرتے ہوئے ایم کیو ایم کے رکن سندھ اسمبلی کو گرفتار کر کے تفتیش کے لیے نامعلوم مقام پر منتقل کردیا۔

اسپیکرسندھ اسمبلی  کے مطابق رینجرز نے محمد کامران کی گرفتاری کے لئے خط لکھا تھا، کامران کو خط سے متعلق آگاہ  کردیا تھا‘ ایم کیوایم پاکستان کے ترجمان نے  بھی ایم پی اے کی گرفتاری  کی تصدیق کردی۔ کامران فاروقی سندھ اسمبلی کے حلقہ پی ایس 111 سے 2013 کے انتخابات میں کامیاب ہوئے۔


پڑھیں: ’’ فاروق ستار سے بات چیت کیلئے تیار ہوں، مصطفی‌ کمال ‘‘


خیال رہے ایم کیو ایم کے رکن اسمبلی کامران اختر کی گرفتاری کے لیے چند ماہ قبل ایم کیو ایم پاکستان کے سربراہ ڈاکٹر فاروق ستار کے گھر پر رینجرز نے چھاپا مارا تھا۔


مزید پڑھیں: ’’ فاروق ستار اور اُن کے رفقاء جلد پی ایس پی میں‌ ہوں گے، انیس قائم خانی ‘‘


دوسری جانب لندن قیادت نے کامران اختر کی گرفتاری پر تشویش کا اظہار کرتے ہوئے ایک بار پھر کراچی آپریشن پر تحفظ کا اظہار کیا‘ متحدہ لندن کی جانب سے جاری کردہ اعلامیے میں کامران فاروقی سمیت دیگر رہنماؤں کو فوری طور پر رہا کرنے کا مطالبہ بھی کیا گیا ہے۔

nadeem-nusrat

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں