The news is by your side.

Advertisement

ایم کیوایم پاکستان نے حکومت سے علیحدگی کا باضابطہ اعلان کردیا

اسلام آباد : ایم کیوایم پاکستان نے حکومت سے علیحدگی کا اعلان کردیا ، خالد مقبول صدیقی نے کہا کہ ہم نے تمام سیاسی مفادات پر پاکستان کے مفاد کو ترجیح دی ہے۔

تفصیلات کے مطابق ایم کیوایم قیادت اور متحدہ اپوزیشن کی مشترکہ پریس کانفرنس ہوئی ، پریس کانفرنس میں فضل الرحمان ، ایم کیوایم قیادت، بی اے پی رہنما ، شہباز شریف،ایازصادق،مفتاح اسماعیل،مریم اورنگزیب ، بلاول بھٹو ،یوسف رضا گیلانی ،خورشیدشاہ ودیگر موجود تھے۔

ایم کیو ایم کے کنوینئر خالدمقبول صدیقی نے کہا آج تاریخی موقع ہے اور یہ ایک امتحان کا مرحلہ ہے، جس سے قومی قیادت کو گزرنا ہے، تقاضا ہے قومی قیادت پاکستانیوں کی خواہش کاآئینہ دار نظر آئے۔

خالد مقبول صدیقی کا کہنا تھا کہ ہم نے متحدہ اپوزیشن کیساتھ چلنے کا فیصلہ کیا ہے، یہ فیصلہ ذاتی یا پارٹی مفاد کیلئے نہیں ، معاہدے اور مطالبے کی ایک ایک شق پاکستان کےعوام کیلئے ہے۔

ایم کیو ایم کے کنوینئر نے مزید کہا کہ امید ہے ایسی جمہوریت ہوجس کےثمرات عام پاکستانیوں کی رہلیز پر پہنچیں، ہم سب نے ذاتی مفاد پر پاکستان کے مفاد کو مقدم رکھا ہے ، امید کرتا ہوں اس باردعوؤں ،وعدوں سے زیادہ ارادے اپنے پاس رکھیں۔

ان کا کہنا تھا کہ ہم بھی انہیں امیدوں کیساتھ آپ کیساتھ شریک سفرہوئےہیں، ہمارے معاہدےکی ایک ایک شق عوام کیلئےہے، ہم نےتمام سیاسی مفادات پرپاکستان کے مفاد کو ترجیح دی ہے۔

Comments

یہ بھی پڑھیں