کراچی: ایم کیو ایم پاکستان نے سینیٹ کی نشست پر پیپلزپارٹی کی حمایت کا اعلان کردیا۔
اے آر وائی نیوز کے مطابق ایم کیو ایم نے پیپلزپارٹی کے رہنما وقار مہدی کے حق میں امیدوار دستبردار کروانے کا فیصلہ کیا ہے۔
ایم کیو ایم رہنما اور سابق میئر کراچی وسیم اختر نے کہا کہ 8 دسمبر کو سینیٹ کا الیکشن ہے اسی لیے ناصر شاہ تشریف لائے ہیں، پی پی کی درخواست پر امیدوار کو دستبردار کروایا جائے گا۔
انہوں نے کہا کہ رابطہ کمیٹی نے فیصلہ ہے کہ کل اپنے امیدوار کو دستبردار کروالیں گے۔
دوسری جانب پیپلزپارٹی رہنما ناصر حسین شاہ نے کہا کہ وقار مہدی کے حق میں ایم کیو ایم امیدوار دستبردار ہوں گے تو وہ کل ہی سینیٹر بن جائیں گے۔
انہوں نے کہا کہ ناصر حسین شاہ نے وقار مہدی کے مقابلے میں کوئی اور امیدوارنہیں تھا، عمران خان حکومت سے نکلنے کے بعد بوکھلائے ہوئے ہیں۔
واضح رہے کہ پیپلزپارٹی کے سینیٹر مصطفیٰ نواز کھوکھر کے مستعفی ہونے کے بعد نشست خالی ہوئی تھی جس پر پولنگ 8 دسمبر میں ہوگی۔
