کراچی: ایم کیوایم پاکستان کے رہنما خواجہ اظہار الحسن کے کوآرڈینیٹر فہد رضا سمیت سات کارکنان نے پاک سر زمین پارٹی میں شمولیت اختیار کرلی۔
خواجہ اظہار الحسن کے کوآرڈینیٹر فہد رضا نے ایم کیوایم کو چھوڑ کر پاک سر زمین پارٹی کے قافلے میں شمولیت اختیار کرلی، ایم کیوایم کے دیگر سات کارکنان نے بھی پی ایس پی شمولیت اختیار کی ۔
ایم کیوایم کے یونٹ انچارج اور جوائنٹ یونٹ انچارج سمیت پی ٹی آئی اور پی ایم ایل کیو کے کارکنان اور کاٹھیاوار کمیونٹی کے چالیس مرد اور خواتین نے پاک سرزمین پارٹی میں شمولیت اختیار کر لی ۔
چئیرمین پاک سر زمین پارٹی مصطفی کمال نے شمولیت اختیار کرنے والوں کو خوش آمدید کہا ہے۔
دوسری جانب رکن قومی اسمبلی اور مسلم لیگ ن کے وزیر مملکت عبد الحکیم نے بلاول بھٹو زرادری سے ملاقات کرکے پیپلزپارٹی میں شمولیت کا اعلان کرتے ہوئے قومی اسمبلی کی نشست سے مسعفیٰ ہونے کا اعلان کردیا۔
