کراچی میں ضمنی الیکشن کے نتائج مسترد کرتے ہیں: ایم کیو ایم پاکستان -
The news is by your side.

Advertisement

کراچی میں ضمنی الیکشن کے نتائج مسترد کرتے ہیں: ایم کیو ایم پاکستان

کراچی: متحدہ قومی موومنٹ (پاکستان) نے شہرِ قائد میں ہونے والے ضمنی الیکشن کے نتائج مسترد کر دیے، پریس کانفرنس کرتے ہوئے ایم کیو ایم کے رہنماؤں نے نتائج کو جانب دار قرار دے دیا۔

تفصیلات کے مطابق کراچی میں ہنگامی پریس کانفرنس سے خطاب کرتے ہوئے ایم کیو ایم کے رہنماؤں کنور نوید جمیل اور خواجہ اظہار الحسن نے کہا کہ وہ ضمنی الیکشن کے نتائج کو مسترد کرتے ہیں۔

الیکشن شفاف پُر امن رہے مگر نتائج شفاف نہیں: خواجہ اظہار

ایم کیو ایم رہنما کنور نوید جمیل نے کہا کہ ضمنی الیکشن کے نتائج بے بنیاد اور جانب داری پر مبنی ہیں، ہم نے مختلف پولنگ اسٹیشنز کا دورہ کیا، ہمارے ووٹرز نے بڑھ چڑھ کر حصہ لیا، کل رابطہ کمیٹی کے ہنگامی اجلاس میں صورتِ حال پر غور کریں گے۔

پریس کانفرنس سے خطاب کرتے ہوئے خواجہ اظہار الحسن نے کہا کہ این اے 247 کا نتیجہ این اے 243 سے مماثلت رکھتا ہے، الیکشن شفاف پُر امن رہے مگر نتائج شفاف نہیں۔

خواجہ اظہار الحسن نے کہا کہ پولنگ ایجنٹس کو بیلٹ پیپر دکھایا ہی نہیں جا رہا، ایسے نتائج ہوں گے تو آئندہ الیکشن میں حصہ لینے یا نہ لینے کا فیصلہ کریں گے۔


ضمنی انتخابات، گنتی آخری مراحل میں داخل: تحریک انصاف جیت کے قریب


ان کا کہنا تھا کہ جمہوریت مضبوط کرنے کی ذمہ داری صرف ہماری نہیں، ہر الیکشن میں نتائج زمینی حقائق کے خلاف آ رہے ہیں۔

خیال رہے کہ کراچی کے حلقے این اے 247 کے 232 پولنگ اسٹیشنز کے غیر سرکاری نتیجے کے مطابق پی ٹی آئی کے آفتاب صدیقی 31366 ووٹ لے کر آگے ہیں جب کہ ایم کیو ایم کے صادق افتخار 13544 ووٹ لے کر دوسرے نمبر پر ہیں۔

Comments

comments

یہ بھی پڑھیں