site
stats
پاکستان

ایم کیو ایم نے وزیر اعلیٰ کے پی کے کی نا اہلی کے لیے قومی اسمبلی میں قرارداد جمع کرادی

کراچی : ایم کیو ایم پاکستان نے قومی اسمبلی سیکرٹریٹ میں وزیر اعلی خیبر پختونخواہ پرویز خٹک کی نا اہلی کے لئے قرار داد جمع کرا دی ہے۔

تفصیلات کے مطابق ایم کیو ایم پاکستان قومی اسمبلی سیکرٹریٹ میں وزیر اعلی کے پی کے پرویز خٹک کی نا اہلی کے لئے قرار داد جمع کرا دی ہے قرار داد پر ایم کیو ایم کے فاروق ستار سمیت بارہ سے زائد اراکین کے دستخط موجود ہیں۔

قرار داد میں کہا گیا ہے کہ پرویز خٹک نے پاکستان کے خلاف بات کی اور غداری کے مرتکب ہوئے قرار داد میں پرویز خٹک کے عمل کی مزمت کی گئی اور اسے قومی سلامتی اور مفاد کے منافی قرار دیا گیا۔

 اسی سے متعلق : حکومت ہمیں‌ باغی بننے پر مجبور نہ کرے، وزیراعلیٰ پرویز خٹک

قرارداد میں مطالبہ کیا گیا کہ وزیر اعلیٰ خیبر پختونخواہ پرویز خٹک کو نا اہل قرار دے کر ان کے خلاف آرٹیکل چھ کے تحت کارروائی کی جائے،ایم کیو ایم پاکستان سے تعلق رکھنے والے اراکین قومی اسمبلی نے قرار داد میں مطالبہ کیا ہے کہ فوری طور پر اسے قومی اسمبلی سے منظور کرایا جائے۔

واضح رہے کہ یکم نومبر کو صوابی میں کارکنان کے اجتماع سے خطاب کرتے ہوئے وزیر اعلٰی خیبر پختونخواہ نے قومی سلامتی کے منافی اور صوبائی منافرت کے مترادف بات کردی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top