کراچی : ایم کیوایم ،پی ایس پی اور فاروق ستارایک ہوگئے اور ساتھ ہی ایک تنظیم، پرچم اور نشان کے ساتھ الیکشن لڑنے کا اصولی فیصلہ کرلیا۔
تفصیلات کے مطابق ایم کیو ایم کے دھڑے ملانے کا گورنرسندھ کا مشن کامیاب ہوگیا، ایم کیوایم ،پی ایس پی اورفاروق ستارایک ہوگئے۔
ذرائع نے بتایا ہے کہ ایک تنظیم،پرچم اورنشان کےساتھ الیکشن لڑنےکااصولی فیصلہ کرلیا گیا ہے ، پی ایس پی کے تمام امیدوار ایم کیوایم کے حق میں دستبردار ہوں گے۔
ذرائع کا کہنا ہے کہ اے آر وائی نیوز کی خبر کے مطابق قیادت کاتعین ہوگا ، انضمام شدہ ایم کیوایم کے کنوینر خالد مقبول صدیقی جبکہ فاروق ستاراورمصطفی کمال ڈپٹی کنوینر ہوں گے۔
آج مشترکہ پریس کانفرنس میں تمام اعلانات متوق
تنظیمی ساتھیوں کی سربراہی انیس قائمخانی کریں گے جبکہ 10 سے 12 رکنی رابطہ کمیٹی پر بھی اتفاق کرلیا گیا ہے۔
آج ہونے والی مشترکہ پریس کانفرنس میں اراکین رابطہ کمیٹی سمیت دیگر اہم اعلانات متوقع ہیں۔
