بہادرآباد میں موجود رابطہ کمیٹی فاروق ستار کے پاس پی آئی بی جارہی ہے، وسیم اختر MQM
The news is by your side.

Advertisement

بہادرآباد میں موجود پوری رابطہ کمیٹی فاروق ستار کے پاس جا رہی ہے، وسیم اختر

کراچی : میئر کراچی اور ایم کیو ایم پاکستان کے رہنماء وسیم اختر نے کہا ہے کہ ڈاکٹر فاروق ستار کی جانب سے بلائے گئے اجلاس میں پوری رابطہ کمیٹی پی آئی بی جارہی ہے.

ان خیالات کا اظہار انہوں نے ڈاکٹر فاروق ستار سے ملاقات کے بعد میڈیا سے گفتگو کرتے ہوئے کیا اس موقع پر ان کے ہمراہ ایم کیو ایم پاکستان کے دو رہنما جاوید حنیف اور محمد حسین بھی موجود تھے، وسیم اختر سے قبل آج کے روز ہی ایم کیو ایم کے دو اور وفود ڈاکٹر فاروق ستار کو منانے گئے تھے لیکن کامیابی حاصل نہیں کرسکے تھے.

میئر کراچی کا کہنا تھا کہ فاروق ستار ہی ایم کیوایم پاکستان کے سربراہ ہیں اور وہی ایم کیو ایم ہیں، معمولی اختلافات ہوتے رہتے ہیں لیکن اس کا حال خوش اسلوبی کے ساتھ نکال لیا جائے گا.

انہوں نے اعلان کیا کہ ایم کیو ایم پاکستان کی پوری رابطہ کمیٹی جو اس وقت بہادر آباد میں موجود ہے ڈاکٹر فاروق ستار کی ہدایت پر پی آئی بی آجائے گی جہاں مسائل کے دیرپا اور فوری حل کی کوشش کریں گے.


 اسی سے متعلق : فاروق ستارنےغیرآئینی اجلاس کرنے والے اراکین رابطہ کمیٹی کو معطل کردیا


میئر کراچی کا کہنا تھا کہ اس سے قبل دو وفود اور بھی فاروق ستار سے مل کر جا چکے ہیں جس کے بعد ہم نے فیصلہ کیا کہ بہادر آباد میں موجود پوری رابطہ کمیٹی پی آئی بی آئے گی جس کے بعد امید ہے کہ معاملات طے ہو جائیں گے.

وسیم اختر کا کہنا تھا کہ آج بھی فاروق ستار متفقہ طور پر پارٹی کے سربراہ ہیں لیکن ہم یہ بھی چاہتے ہیں کہ تنظیمی پالیسی رابطہ کمیٹی ہی طے کرے جو کہ تنظیم کی سپریم کمیٹی بھی ہے.

یاد رہے اس سے قبل گزشتہ روز بہادر آباد میں موجود رابطہ کمیٹی اور اراکین اسمبلی نے ڈاکٹر فاروق ستار کی جانب سے بلائے گئے کارکنان کے اجلاس میں جانے سے انکار کرتے ہوئے موقف اختیار کیا تھا کہ تنظیم کا مرکزی دفتر بہادر آباد میں ہے اور یہیں کارکنان کا اجلاس ہونا چاہیئے۔


 یہ بھی پڑھیں : سینیٹ ٹکٹ پراختلافات، فاروق ستار کا بڑا اعلان کرنے کا فیصلہ


خیال رہے کہ کامران ٹیسوری کو سینیٹ کا ٹکٹ دینے کے معاملے پر ایم کیو ایم پاکستان واضح طور پر دو دھڑوں میں تبدیل ہوگئی تھی جس کے بعد نے اپنے گھر پی آئی بی پر فاروق ستار اور بہادر آباد میں مرکزی دفتر میں کنور نوید جمیل کی سربراہی میں علیحدہ علیحدہ اجلاس معاملے کو پیچیدہ بنا دیا تھا.


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں