اسلام آباد: ایم کیو ایم نے الیکشن کمیشن پاکستان میں ضلع غربی کے چیرمین کے نتائج میں مبینہ تبدیلی پر پٹیشن جمع کرادی ہے۔
تفصیلات کے مطابق ایم کیو یام پاکستان کے سینیٹربیرسٹرسیف اور رکن قومی اسمبلی شیخ صلاح الدین نے آج چیف الیکشن کمشنر سردار رضا سے ملاقات کی، ملاقات کے دوران ایم کیو ایم رہنماؤں نے بلدیاتی انتخابات کے آخری مرحلے ضلع غربی کے چیئرمین کے انتخاب میں ریٹرنگ آفیسر کی جانب سے نتائج میں مبینہ تبدیلی اور نامناسب رویے کی شکایت کی۔
بعد ازاں ایم کیو ایم پاکستان کے رہنماؤں نے ضلع غربی کے نتائج کو کالعدم قرار دے کردوبارہ گنتی کرانے کے لیے پٹیشن جمع کرادی ہے۔
یہ خبر پڑھیں : ضلع غربی کے نتائج میں ردوبدل مسترد کرتے ہیں، ایم کیو ایم
واضع رہے 24 اگست کو سندھ میں ہونے والے میئر اور ڈپٹی میئر کے انتخابات میں کراچی سے ایم کیو ایم کے میئر اور ڈپٹی میئر بھاری اکثریت سے کامیاب ہو ئے جب کہ چھ میں سے تین ضلعوں میں ایم کیو ایم کے چیئرمین اور ڈپٹی چیئرمین بآسانی کامیاب ہو گئے تھے۔
اسی سے متعلق : ضلع غربی کا نتیجہ تبدیل، متحدہ کے اظہار احمد ہار گئے
تاہم ضلع غربی میں کراچی اتحاد کے امیدوارکی جانب سے اعتراضات اُٹھائے جانے اور تحریک انصاف کے رہنما عمران اسماعیل کے خلاف سخت تنقید اور مظاہرے کے بعد ریٹرنگ آفیسر نے ضلع غربی میں مسلم لیگ ن کے امیدوار کو کامیاب قرار دے دیا تھا۔
اس سے قبل ایم کیو ایم کے رہنما اظہاراحمد خان کی 34 ووٹ لے کر کامیای کا جشن منا چکے تھے جب کہ مخالف امیدوار کو 31 ووٹ ملے تھے تا ہم ریٹرنگ آفیسر نے ایم کیوایم کو ملنے والے 34 میں سے 24 ووٹ مسترد کرکے مخالف امیدوار کی جیت کا اعلان کردیا تھا۔
