لاہور: ایم کیو ایم پاکستان نے وفاق میں پاکستان تحریک انصاف کا ساتھ دینے کا اعلان کر دیا.
تفصیلات کے مطابق یہ اعلان ایم کیوایم پاکستان کے رہنما فیصل سبزواری نے اے آر وائی کے پروگرام پاور پلے میں گفتگو کرتے ہوئے کیا.
ان کا کہنا تھا کہ رابطہ کمیٹی نے فیصلہ کیا ہے وزارت عظمیٰ کے لئے ایم کیوایم عمران خان کی حمایت کرے گی.
فیصل سبزواری نے کہا ہے کہ ایم کیو ایم ن لیگ کی آل پارٹیز کانفرنس میں شرکت نہیں کرے گی، ایم کیو ایم پاکستان حکومتی بینچوں پر بیٹھے گی۔
ان کا کہنا تھا ایم کیوایم نے کراچی کی ترقی کے لئے کچھ مطالبات سامنے رکھے ہیں، پی ٹی آئی کراچی کی ترقی کے لئےاعلانات کرے.
یاد رہے کہ ایم کیو ایم پاکستان کے پاس قومی اسمبلی میں 6 نشستیں ہیں، جنھوں نے حکومت سازی کے لیے خصوصی اہمیت اختیار کر لی ہے.
کیا ایم کیو ایم کو وزارتیں ملیں گی؟
ذرایع کا دعویٰ ہے کہ پہلے مرحلے میں ایم کیو ایم کابینہ کا حصہ یا وزارتیں نہیں لے گی.
ایم کیوایم اے پی سی میں جانے کے بجائے کل پی ٹی آئی وفد سے ملاقات کرے گی، ملاقات میں دونوں جماعتوں کے دو دو اراکین شامل ہوں گے.
اس ملاقات میں وفاق کی حمایت، ورکنگ ریلیشن شپ، مستقبل کی حکمت عملی طے کی جائے گی، رہنما تحریری مسودہ تیار کر کے طے شدہ فارمولا اپنی قیادت کے سامنے رکھیں گے.
ایم کیو ایم نے پی ٹی آئی کے ساتھ چلنے کے وعدے پر کئی شرائط رکھ دیے
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
