کراچی : گرفتارمبینہ ٹارگٹ کلرنے دعوٰی کیا ہے کہ ایم کیوایم نے نوکری کالالچ دے کر زندگی تباہ کی، پولیس کے مطابق مبینہ ٹارگٹ کلر نے چارافراد کے قتل کا اعتراف کرلیا۔
تفصیلات کے مطابق ایک اور مبینہ ٹارگٹ کلر کا اعترافی بیان سامنے آگیا، مبینہ ٹارگٹ کلر نے ایم کیوایم پر زندگی تباہ کرنے کا الزام عائد کیا ہے، کراچی کے علاقے محمود آباد سے پولیس نے عمران عرف مکینک کو ٹارگٹ کلنگ کے الزام میں گرفتارکیا گیا۔
اس نے الزام لگایا کہ پارٹی کی ہائی کمان کے حکم پر لوگوں کوقتل کیا، مبینہ ٹارگٹ کلر کا کہنا تھا کہ پارٹی نے نوکری کالالچ دے کرزندگی تباہ کردی۔
ایس پی کلفٹن کے مطابق ملزم نے ناظم آباد میں چار افراد کوقتل کیا، ملزم گلبہار کے سیکٹر اور جوائنٹ سیکٹر انچارج کے کہنے پر قتل کرتا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں