The news is by your side.

Advertisement

ایم کیو ایم کے دونوں دھڑے آج الگ الگ یومِ تاسیس منارہے ہیں

 کراچی: ایم کیو ایم پاکستان کے دونوں دھڑوں میں یوم تاسیس کے موقع پر بھی اتحاد نہ ہوسکا‘ فاروق ستّار نے یوم تاسیس کو یوم عزم و یکجہتی کے نام سے منانے کا اعلان کردیا۔

تفصیلات کے مطابق متحدہ قومی موومنٹ پاکستان کے دونوں دھڑے آج الگ الگ یومِ تاسیس منارہے ہیں، چونتیسویں یوم تاسیس کے موقع پرنشتر پارک میں بہادرآباد گروپ اورلیاقت آباد فلائی اوورپر پی آئی بی گروپ کے جلسے منعقد ہورہے ہیں۔

ایم کیو ایم پاکستان پی آئی بی گروپ نے لیاقت آباد فلائی اوور پر یوم تاسئس کا پنڈال سجا لیا ہے،رہنماؤں کے لیے اسٹیج بھی تیار ہوچکا ہے جلسے کی تمام تیاریاں مکمل ہیں، فاروق ستار اور اراکین رابطہ کمیٹی کچھ دیر بعد کارکنان سے خطاب کریں گے۔ فاروق ستّار نے یوم تاسیس کو یوم عزم و یکجہتی کے عنوان سے منانے فیصلہ کیا ہے۔

دوسری طرف ایم کیو ایم پاکستان بہادرآباد گروپ نے بھی یوم تاسیس کو بھرپور جوش و جذبے سے منانے کا فیصلہ کیا ہے، بہادرآباد گروپ نے نشتر پارک میں جلسے کی ساری تیاریاں مکمل کرلی ہیں اسٹیج پر بڑی اسکرین بھی نصب کی گئی ہے۔جبکہ نشتر پارک میں ہونے والے جلسے سے بہادر آباد گروپ کے کنوینر خالد مقبول صدیقی، عامر خان، فیصل سبزواری،خواجہ اظہار الحسن سمیت پوری مرکزی قیادت خطاب کرے گی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں