The news is by your side.

چارٹر آف رائٹس: ایم کیو ایم کا آصف زرداری اور بلاول بھٹو سے فائنل ملاقات کا فیصلہ

کراچی : ایم کیو ایم نے چارٹر آف رائٹس کے معاہدے پر آصف زرداری اور بلاول بھٹو سے فائنل ملاقات کا فیصلہ کرلیا۔

تفصیلات کے مطابق ایم کیو ایم نے پیپلزپارٹی سے کیا چارٹر آف رائٹس کا معاہدہ سست روی کا شکار ہے۔

ایم کیو ایم کے اعلی سطح وفد نے آصف زرداری اور بلاول بھٹو سے فائنل ملاقات کا فیصلہ کرلیا۔

ذرائع کا کہنا ہے کہ ایم کیو ایم کا وفد آئندہ چند دنوں میں آصف زرداری اور بلاول بھٹو سے ملاقات کرے گا۔

ذرائع نے بتایا کہ ملاقات بلاول بھٹو کے چائنہ اور زرداری کی نوازشات سے واپسی کے بعد ہوگی۔

ذرائع کے مطابق ملاقات میں معاہدہ پر عملدرآمد کا معاملہ اٹھایا جائے گا اور ساتھ ہی معاہدے اور آرٹیکل 140 اے کے تحت عمل درآمد ، مضبوط بلدیاتی نظام کے قیام میں رکاوٹ اور سست روی کا معاملہ دونوں کے سامنے رکھا جائے گا۔

ذرائع کا کہنا تھا کہ ملاقات میں دوٹوک بات کی جائے گی، پیپلزپارٹی کی اعلی قیادت سے ہونے والی ملاقات فیصلہ کن ہوگی ، ملاقات کے بعد ایم کیو ایم اہم فیصلے کرے گی۔

Comments

یہ بھی پڑھیں