بالی ووڈ کی نوجوان اداکارہ مرنال ٹھاکر نے دیوالی کے موقع پر مداح کی جانب سے ایڈٹ شدہ تصویر شیئر کرنے پر اسے کھری کھری سنا دیں۔
دیوالی پر ادکاراؤں کے دیوانے مداح نے اپنی اور مرنال کی ایڈیٹ شدہ تصویر شیئر کی تھی جس میں وہ اس شخص کے ساتھ دیا جلاتے ہوئے نظر آرہی تھی، مرنال کا یہ پوسٹ دیکھنا تھا کہ وہ غصے میں آگئیں اور اس کی پوسٹ پر کمنٹ کرڈالا۔
سن آف سردار کی اداکارہ مرنال ٹھاکر نے اس شخص کی پوسٹ پر بھڑاس نکالتے ہوئے لکھا کہ بھائی کیوں جھوٹی تسلی دے رہے ہیں اپنے آپ کو؟ آپ کو لگتا ہے کہ آپ جو یہ کررہے ہیں یہ کول ہے جی نہیں۔
بعدازاں مرنال ٹھاکر نے نئی ویڈیو میں اس شخص کے حوالے سے اپنے مداحوں کو مخاطب کرتے ہوئے کہا کہ ’یار گائیز آپ لوگ بچے کی جان لو گے کیا؟ میں نے وہ کمنٹ کردیا کچھ۔
بالی ووڈ اداکارہ نے کہا کہ میں نے پہلے یہ تصویر دیکھی تو میں نے سوچا کہ کسی اور کے ساتھ نہ سہی اس کے ساتھ ہی سہی میں دیوالی تو منا رہی ہوں، پھر میں نے اسکا پیج دیکھا تو مجھے پتا چلا کہ اس نے اپنی تصویر کو تقریباً ہر اداکارہ کے ساتھ ایڈٹ کرکے لگایا ہوا ہے۔
مرنال نے ازراہ مذاق کہا کہ یہ دیکھ کر میرا دل ٹوٹ گیا، میں بہت افسردہ ہوئی مگر اس شخص کی ایڈیٹنگ اسکلز کافی اچھی ہیں۔
اداکارہ کا اپنے فینز سے درخواست کرتے ہوئے کہنا تھا کہ آپ لوگ اس شخص کو برا بھلا نہ کہیں، اس شخص کی نیت بری نہیں ہوگی اور میں امید کرتی ہوں کہ وہ اور لوگوں کا دل نہ توڑے۔
