The news is by your side.

Advertisement

مفتاح اسماعیل کی پی ٹی آئی کے منحرف رکن کو براہ راست پیشکش

کراچی : وزیراعظم عمران خان کیخلاف تحریک عدم اعتماد پیش کرنے کے بعد اپوزیشن اور حکومتی نمائندوں کی جانب سے زورو شور سے بیانات کا سلسلہ جاری ہے۔

دونوں جانب سے اسمبلی میں اراکین کے نمبرز پورے ہونے کے بلند و بانگ دعوے بھی کیے جارہے ہیں اوراراکین کی بولیاں لگانے جیسے الزامات عائد کرنے سے بھی دریغ نہیں کیا جارہا۔

اے آر وائی نیوز کے پروگرام الیونتھ آور میں ن لیگ کے رہنما مفتاح اسماعیل نے بھی پی ٹی آئی کے رکن قومی اسمبلی کو اپوزیشن سے تعاون کرنے کی پیشکش کردی۔

میزبان وسیم بادامی کی گفتگو کے دوران مفتاح اسماعیل نے پی ٹی آئی کے منحرف ایم این اے احمد حسین دیہڑ سے کہا کہ میں آپ کو آن ایئر آفر کرتا ہوں کہ آئیے اس قوم کا ساتھ دیجئے۔

مفتاح اسماعیل کا احمد حسین دیہڑ سے کہنا تھا کہ مہنگائی اورغربت کیخلاف تحریک میں اپوزیشن کا ساتھ دیں ہم آپ کو دعوت دیتے ہیں لیکن پیسوں کی آفر ہم کسی کو نہیں کرتے۔

Comments

یہ بھی پڑھیں