کراچی:شہر قائد کے علاقے شرف آباد کے قریب ڈپٹی سپرڈنڈینٹ سندھ پولیس سہیل عباس چھینا جھپٹی کی واردات کے دوران زخمی ہوگئے۔

تفصیلات کے مطابق شرف آباد کے قریب ڈی ایس پی سہیل عباس سے نامعلوم افراد نے لوٹ مار کی کوشش کی جس میں اہلکار کی طرف سے مزاحمت پر فائرنگ بھی چل گئی۔

ڈی ایس پی عباس کی جوابی فائرنگ کے نتیجے میں لٹیرے اپنے ساتھیوں کے ساتھ فرار ہونے میں کامیاب ہوگئے۔

تاہم مزحمت کے دوران سہیل عباس کو ٹانگوں میں گولی لگ گئی جس کے بعد انہیں آغا خان اسپتال منتقل کردیا گیا، جہاں ان کی حالت اب خطرے سے باہر ہے۔