اسلام آباد : سابق وفاقی وزیر اطلاعات محمد علی درانی کا کہنا ہے کہ جس طرح ائیرپورٹ سے گھر آنے تک نواز شریف کے مقدمات ختم ہوئے اب وہ بھی کریں۔
تفصیلات کے مطابق سابق وفاقی وزیر اطلاعات محمد علی درانی نے اےآروائی نیوز سے خصوصی گفتگو میں کہا کہ اس وقت حکومت پگھل رہی ہے تو ایسا نہ ہوکہ پھر بعد میں پشیمانی ہی نہ رہ جائے، لوگوں کوجیلوں سے نکال کربات چیت سےملک کوٹریک پرڈالا جائے۔
سابق وفاقی وزیر کا کہنا تھا کہ جس طرح ائیرپورٹ سے گھرآنے تک نوازشریف کے مقدمات ختم ہوئے اب وہ بھی کریں، اس عمل سے اداروں کومثبت پیغام جائےگاکہ مفاہمت کی طرف قدم بڑھاہے.
انھوں نے کہا کہ نوازشریف ابھی قدم اٹھائیں گے تو جمہوری ہوگا بعد میں مجبوری بنے گا، نواز شریف ایسے مفاہمتی لیڈربن کر ابھریں کہ آئندہ کسی انتخابات میں وزیراعظم بن سکیں۔
سابق وزیر اطلاعات کا کہنا تھا کہ ن لیگ والے ڈرنےکی بجائےمفاہمت کی طرف بڑھیں، مذاکرات کسی ادارے ، ایمبیسی یا عدالت کی بجائے پارلیمنٹ میں کریں۔
