لاہور : قومی ٹیم کے فاسٹ بولر محمد عامر رشتہ ازدواج سے منسلک ہوگئے، فاسٹ بولر دھوم دھام کے ساتھ اپنی دلہن نرجس کو بیاہ کرلے آئے۔ ولیمے کی تقریب آج ہوگی۔
تفصیلات کے مطابق بلےبازوں کی اننگز کا خاتمہ کرنے والے محمد عامر نے اپنی زندگی کی نئی اننگزشروع کردی۔ قومی کرکٹر محمد عامر شادی کے خوبصورت بندھن میں بندھ گئے، ان کی سہرا بندی ان کے والد نے کی۔
دولہا نے سنہرے رنگ کی شیروانی زیب تن کی ہوئی تھی،جس میں وہ بہت خوبصورت دکھائی دے رہے تھے۔ دو سال بعد دل والا بالآخر دلہنیا بیاہ کر لے آیا۔ دل پر راج کرنے والی نرجس اب عامر کے گھر پر بھی راج کریں گی ٹیولپ اور گلاب کے پھولوں سے عامر کی مرسیڈیز کو دلہن کی طرح سجایا گیا۔
Cricketer Muhammad Amir's weddings exclusive… by arynews
شادی کا حسن بڑھانے بینڈ باجے والے عامر کے گھر کے باہر موجود تھے۔ سنہرے رنگ کے سوٹ پر میرون کلا زیب تن کیے عامر دلہنیا لانے روانہ ہوئے تو تیس سے چالیس گاڑیوں پرمشتمل بارات شادی ہال پہنچی۔
اس موقع پر عامر پر نوٹ نچھاور کیے گئے۔ شادی میں عامر کے دوستوں، عزیزوں اقارب کی بڑی تعداد موجود تھی، ساتھی کرکٹرز سمیت کئی معروف شخصیات نے بھی تقریب کی رونق بڑھائی۔
فاسٹ بولر محمد عامر دلہن بیاہ کر تو لے گئے ، لیکن ان کی سالیوں نے انہیں لوٹنے میں کوئی کثر نہیں چھوڑی اور دودھ پلائی کی رسم کے عوض 50 ہزار روپے جھاڑ لیے۔
دھوم دھام کے ساتھ دلہےمیاں دلہن کو بیاہ کر لے آئے۔ آج لاہورمیں ہی ولیمےکی تقریب ہوگی۔ جس کے بعد عامراپنی لائف پارٹنر کے ساتھ یواےای روانہ ہوجائیں گے۔
