اسلام آباد : وفاقی وزیر خزانہ سینیٹر محمد اورنگزیب آئی ایم ایف اور ورلڈ بینک کے سالانہ اجلاس میں شرکت کے لیے امریکا روانہ ہوگئے۔
تفصیلات کے مطابق وفاقی وزیر خزانہ سینیٹر محمد اورنگزیب امریکا روانہ ہوگئے ، وزیر خزانہ آئی ایم ایف اور ورلڈ بینک کے سالانہ اجلاسوں میں شرکت کریں گے۔
وزیرخزانہ دورہ امریکا میں چین، برطانیہ، سعودی عرب، متحدہ عرب امارات، ترکیہ کے وزرائے خزانہ ، آئی ایم ایف اور عالمی بینک کے حکام سے ملیں گے۔
امریکا کے اسٹیٹ اور ٹریثری ڈیپارٹمنٹس کے اعلی حکام سے ملاقاتیں ہوں گی جبکہ عالمی کریڈٹ ریٹنگز ایجنسیوں اور کمرشل بینکوں کے حکام سے ملاقات کریں گے۔
مشرق وسطیٰ کے سرمایہ کاربینکوں کے حکام سے بھی ملاقاتیں شیڈول ہیں، وفاقی وزیر سرمایہ کاری فورمز اور سیمیناروں سے خطاب کریں گے۔
دورے کے دوران وزیرخزانہ امریکا کے معروف تھنک ٹینکس کادورہ کریں گے اور بین الاقوامی اور امریکی میڈیا کے نمائندوں کو انٹرویو بھی دیں گے۔
