واشنگٹن : وزیر خزانہ محمد اورنگزیب نے واشنگٹن میں جے پی مورگن بینک کے نمائندوں اور اسلامی ترقیاتی بینک کے صدر سے ملاقاتیں کیں۔
تفصیلات کے مطابق وزیر خزانہ محمد اورنگزیب نے جے پی مورگن بینک کے نمائندوں سے ملاقات کی، جس میں آئی ایم ایف کے ایس بی اے کے بعد اقتصادی صورتحال میں بہتری کا جائزہ پیش کیا۔
اعلامیے میں کہا کہ وزیرخزانہ نے آئی ایم ایف کے ای ایف ایف پروگرام کی اہمیت اجاگر کرتے ہوئے کہا کہ آئی ایم ایف کےنئےقرض پروگرام سےمعاشی استحکام کومستقل بنیادوں پربرقراررکھاجا سکے، نئےقرض پروگرام میں معاشی، توانائی اورٹیکس اصلاحات کوعملی جامہ پہنایا جاسکے۔
وزیرخزانہ نےٹیکس اصلاحات،نجکاری اورسرکاری اداروں کی تنظیم نوکےاہم اقدامات پر روشنی ڈالی اور بین الاقوامی سرمایہ کی مارکیٹس میں رسائی حاصل کرنےکے عزم کااظہار کیا۔
وفاقی وزیر نے پاکستان کے پہلے پانڈا بانڈ کے اجرا کے ذریعے بین الاقوامی سرمایہ کاری کے کامیاب تجربہ سے بھی آگاہ کیا۔
وزیرخزانہ نے اسلامی ترقیاتی بینک کے صدر سے ملاقات کی اور محمدسلیمان الجاسرکو پاکستان کی سعودی وزیر سرمایہ کاری کے حالیہ پاکستان پربریفنگ دی۔
وزیر خزانہ نے کہا کہ پاکستان کی ترقی میں اسلامی ترقیاتی بینک قابل اعتمادشراکت دارہے، اسلامی ترقیاتی بینک کامختلف شعبوں میں مالی معاونت قابل تعریف ہے۔
وفاقی وزیر نے پاک سعودیہ نجی شعبے کیساتھ کاروباری روابط بڑھانے پر زور دیتے ہوئے کہا کہ پاکستاں مہمندڈیم میں اسلامی ترقیاتی بینک اورعرب کوآرڈینیشن گروپ کی سرمایہ کاری کو سراہتا ہے۔
