پاکستان کرکٹ ٹیم کے وکٹ کیپر بلے باز محمد رضوان نے اپنی لو اسٹوری سے پردہ اٹھا دیا ہے۔
قومی ٹیم کے وکٹ کیپر بیٹر محمد رضوان نے ایک انٹرویو میں کہا کہ انہیں اپنی پسند کی شادی کرنے کے لیے ایک یا دو سال نہیں بلکہ 8 سال کا طویل انتظار کرنا پڑا۔
رضوان نے کہا کہ وہ جس لڑکی سے پسند کی شادی کرنا چاہتے تھے، ان کے گھر والے اس سے شادی کرانے پر رضامند نہیں تھے۔ بالآخر 8 سال کے طویل انتظار اور دل سے مانگی گئی دعائیں رنگ لائیں اور وہ اپنی محبت پانے میں کامیاب ہوئے۔
View this post on Instagram
واضح رہے کہ محمد رضوان پاکستان کرکٹ ٹیم کی موجودہ بیٹنگ لائن اپ میں ایک ستون کے طور پر گردانے جاتے ہیں۔ انہوں نے ٹی ٹوئنٹی فارمیٹ میں 3 ہزار رنز مکمل کرنے والے دوسرے پاکستانی اور دنیا کے پہلے وکٹ کیپر بلے باز ہیں۔
حال ہی میں محمد رضوان اور بابر اعظم نے شراکت میں سب سے زیادہ رنز بنا کر دنیا کی بہترین کرکٹ جوڑی ہونے کا اعزاز بھی اپنے نام کیا ہے۔
