لاہور: پاکستان ٹیم کے سابق مڈل آرڈر بیٹسمین محمد یوسف نے افغان کرکٹ ٹیم کی کوچنگ کیلئے خواہش کا اظہار کردیا ہے۔
افغانستان کرکٹ ٹیم کے سابق ہیڈ کوچ انضمام الحق کے مستعفی ہوجانے کے بعد سے افغان ٹیم کوچ کی تلاش میں ہے۔اس سلسلے میں بورڈ نےکئی درخواستیں طلب کی ہیں۔
افغان بورڈ کے ترجمان کا کہنا ہے کہ کوچنگ کیلئے پاکستان کے سابق بیٹسمین محمد یوسف نے بھی درخواست جمع کرادی ہے۔
- Advertisement -
امید ہے کہ افغان ٹیم کے آفیشلز اور محمد یوسف کے درمیان تمام معاملات طے ہوجائینگے،افغانستان کرکٹ ٹیم رواں سال جولائی سے ون ڈے سیریز کیلئے آئرلینڈ کا دورہ کریگی۔
