قومی کرکٹ ٹیم کے سابق بلے باز محمد یوسف نے قومی کرکٹ ٹیم کی ناکامی کے پیچھے کے اہم وجوہات بتا دیں۔
نجی ٹی وی چینل پر ان سے ٹیمم مینجمنٹ سے متعلق سوال کیا گیا جس پر قومی کرکٹ ٹیم کے سابق بلے باز محمد یوسف نے گفتگو کرتے ہوئے کہا کہ ’’ہمارے یہاں کھلاڑیوں کی عزت نہیں کی جاتی ہے‘۔
پاکستان کرکٹ ٹیم کے سابق کوچ نے کہا کہ ہمارے پاس اچھے کوچز ہوسکتے ہیں، ہمارے پاس انضمام الحق ہے، مشتاق احمد ہیں، ٹیم میں ثقلین مشتاق کو سیریز کے دوران ہٹا دیا، یہ کھلاڑی کی بے عزتی کرنا ہوتا ہے۔
انہوں نے کہا کہ مشتاق احمد نے کئی ٹیموں کے ساتھ کام کیا، وہ ایک بہترین کوچ ہیں، انہیں اس طرح بے عزت کرکے باہر کردیا۔
پاکستان کرکٹ ٹیم کے سابق کوچ نے مزید کہا کہ میں بابر اعظم کی کپتانی کے حق میں ہوں، اس پوزیشن کے لیے بابر نے بڑی محنت کی ہے، وہ ایک بڑا کھلاڑی ہے، لیکن کچھ چیز انہیں سیکھنے کی ضرورت ہے۔
محمد یوسف نے مزید کہا کہ بابر اعظم اپنے سینئر کھلاڑیوں سے سیکھ سکتے ہیں، دکسی بھی کپتان کو اپنے بڑے کی رہنمائی کی ضرورت ہوتی ہے، سیکھنا کا عمل جاری رہتا ہے۔
