ڈرامہ سیریز ارطغل غازی میں ننھے کورلوس عثمان کا کردار ادا کرنے والے محمد ایمرے اوشتپے نے دورہ پاکستان کے دوران محبتوں بھرا پیغام دیا۔
تفصیلات کے مطابق دورہ پاکستان کے دوران محمد ایمرے اوشتپے نے مختلف سیاحتی مقامات کا بھی دورہ کیا، اداکار محمدایمرے اوشتپے نے اپنے جذبات کا اظہار کرتے ہوئےکہا کہ مجھے پاکستان آ کر بہت خوشی ہوئی۔
محمد ایمرےاوشتپے کا کہنا تھا کہ پاکستانیوں کی محبت نے مجھے بہت متاثر کیا ہے، مجھے خوشی ہےکہ پاکستانی عوام نے ارطغرل ڈرامہ کو اتنا پسند کیا اور سراہا۔
ترکیہ کے اداکار نے کہا کہ یہاں کے خوبصورت مقامات دیکھ کر میں بہت محظوظ ہوا اور پاکستانی ثقافت سے بھی بہت کچھ سیکھا، مجھے امید ہے کہ مستقبل میں پاکستان اور ترکیہ مشترکہ پروجیکٹس پر کام کریں گے۔
محمد ایمرے اوشتپے نے مزید کہا کہ میں پاکستانی عوام کی ترکیہ کیلئے محبت اور ترکیہ کے ڈراموں کو سپورٹ کرنے پر تہہ دل سے شکر گزار ہوں۔
