کراچی: محکہ داخلہ سندھ نے ڈسکوز کو مراسلہ ارسال کرتے ہوئے کہا ہے کہ محرم میں بجلی کا بریک ڈاؤن ناخوشگوار واقعات کا سبب بن سکتا ہے۔
محرم الحرام میں بجلی کی بلاتعطل فراہمی کیلئے محکمہ داخلہ سندھ کی جانب سے ڈسکوز کو مراسلہ لکھا گیا ہے جس میں کہا گیا ہے کہ بجلی کا بریک ڈاؤن سیکیورٹی رسک کے امکانات بڑھا سکتا ہے۔
مراسلے میں کہا گیا کہ محرم میں مجالس کا اہتمام کیا جاتا ہے جہاں بجلی کی فراہمی لازمی ہوتی ہے، محرم کو ہموار طریقے سے منانے کیلئے بجلی کی بلاتعطل فراہمی یقینی بنانے کا مطالبہ کیا گیا ہے۔
بجلی تقسیم کارکمپنیوں کی انتظامیہ کی جانب سے محرم الحرام میں بلاتعطل بجلی کی فراہمی کی یقین دہانی کرائی گئی ہے۔
خیال رہے کہ وزیر توانائی سندھ ناصر حسین شاہ نے یکم تا 12 محرم مغرب سے فجر تک بلاتعطل بجلی کی فراہمی کی ہداہت کی ہے۔
علمائے کرام کے اجلاس میں وزیرتوانائی سندھ ناصرشاہ نے ہدایت کی کہ حیسکو، سیپکو اور کے الیکٹرک رات میں لوڈشیڈنگ سے متعلق عوام کوآگاہ کرے، میڈیا کے ذریعے عوام کو آگاہ کیاجائے۔
ناصر حسین شاپ کا کہنا تھا کہ حیسکو، سیپکو اور کےالیکٹرک کو خصوصی ہدایات جاری کردی گئی ہیں، رات 12 سے صبح 6 کے درمیان لوڈشیڈنگ نہ کرنے کی ہدایت کی ہے۔
