اسلام آباد میں 2 ماہ کے لیے ڈبل سواری پر پابندی عائد pillion riding banned in islamabad
The news is by your side.

Advertisement

اسلام آباد میں 2 ماہ کے لیے ڈبل سواری پر پابندی عائد

اسلام آباد: وفاقی دارالحکومت اسلام آباد میں سیکیورٹی خدشات کے پیش نظر دو ماہ کے لیے موٹر سائیکل کی ڈبل سواری پر پابندی عائد کردی گئی۔

تفصیلات کے مطابق وفاقی دارالحکومت اسلام آباد میں ضلعی انتظامیہ کی جانب سے دو ماہ کے لیے موٹر سائیکل کی ڈبل سواری پر پابندی عائد کردی گئی ہے، پابندی دفعہ 144 کے تحت لگائی گئی ہے۔

ڈپٹی کمشنر اسلام آباد کے مطابق اس دوران ہینڈبل، پمفلٹ پوسٹرز کی تقسیم پر بھی پابندی ہوگی، ڈبل سواری اور دیگر احکامات پر عملدرآمد نہ کرنے والوں کے خلاف سخت قانونی کارروائی عمل میں لائی جائے گی۔

ڈپٹی کمشنر اسلام آباد نے کہا ہے کہ محرم الحرام میں امن و امان کی صورتحال خراب ہونے کا خدشہ ہے، شہر میں وال چاکنگ پر پہلے سے ہی پابندی ہے جو 17 ستمبر کو ختم ہوجائے گی تاہم اس میں توسیع کیے جانے کا امکان ہے۔

قبل ازیں چاروں صوبائی حکومتوں نے 8 تا 10 محرم الحرام کو موبائل فون سروس بند رکھنے کی سفارش کی گئی ہے تاہم سروس بند کرنے کا حتمی فیصلہ وزیراعظم کی منظوری کے بعد ہوگا۔

واضح رہے کہ محرم الحرام کے حفاظتی اقدام کے پیش نظر سندھ حکومت کی جانب سے موٹر سائیکل کی ڈبل سواری پر پابندی عائد کردی گئی، موٹر سائیکل کی ڈبل سواری پر پابندی آٹھ تا دس محرم تک ہوگی۔

Comments

comments

یہ بھی پڑھیں