معروف قوال امجد صابری کے بڑے بیٹے مجدد صابری نے والد کی شہرت کا فائدہ اٹھانے کا دلچسپ قصہ بیان کردیا۔
مجدد صابری نے حال ہی میں نجی ٹی وی کے پروگرام میں شرکت کی اور اس دوران والد کو یاد کرتے ہوئے اپنے ساتھ پیش آیا دلچسپ واقعہ بھی بیان کیا۔
میزبان نے سوال کیا کہ آپ نے کبھی والد کی شہرت کا فائدہ اٹھایا ہے؟
جواب میں مجدد صابری نے ماضی کا واقعہ بیان کیا جب کراچی میں ڈاکوؤں نے انہیں اور دوست کو روک لیا تھا۔
انہوں نے بتایا کہ ہمارے ساتھ ڈکیتی ہونے والی تھی کہ ڈاکوؤں نے کہا کہ جو کچھ بھی ہے دے دو، میں نے ان سے کہا کہ اب ہم سے بھی لو گے۔
مجدد صابری کے مطابق ڈاکوؤں نے غور سے دیکھتے ہوئے کہا کہ ارے آپ کو امجد بھائی کے بیٹے ہو جس کے بعد میری ان سے کوئی پندرہ منٹ گفتگو جاری رہی۔
انہوں نے بتایا کہ ڈاکوؤں سے ان کے موبائل فون چھیننے اور بیچنے سے متعلق پوچھا اور پھر انہوں نے ہمیں بغیر کچھ لیے یونہی جانے دیا۔
