اے آر وائی ڈیجیٹل کے مقبول ڈرامہ سیریل ’مجھے پیار ہوا تھا‘ میں کس کا کردار مداح پسند کریں گے؟ اداکارہ ہانیہ عامر نے بتا دیا۔
ڈرامہ سیریل ’مجھے پیار ہوا تھا‘ میں وہاج علی (سعد)، ہانیہ عامر (ماہیر)، زاویار نعمان (اریب)، شہود علوی، سلمیٰ حسن، سبینہ سید، نور الحسن، رابعہ کلثوم، جاوید شیخ، انجلین ملک، وشما فاطمہ، عائشہ مرزا، امبر خان، شاہین خان ودیگر اداکاری کے جوہر دکھا رہے ہیں۔
ڈرامے کی کہانی سدرہ سحر عمران نے لکھی ہے جبکہ اس کی ہدایت کاری کے فرائض بدر محمود نے انجام دیے ہیں۔
’مجھے پیار ہوا تھا‘ کی کہانی سعد، اریب اور ماہی کے گرد گھومتی ہے سعد چاچو کی بیٹی ماہیر سے محبت کرتے ہیں لیکن جب انہیں یہ معلوم ہوتا ہے کہ وہ اریب سے محبت کرتی ہیں تو وہ ان سے شادی سے انکار کردیتے ہیں لیکن اریب عین شادی کے وقت بارات لے کر نہیں پہنچتے جس کے بعد ماہی کی شادی سعد سے ہوجاتی ہے۔‘
ڈرامے کی 13ویں قسط سے قبل ہانیہ عامر سے سوال کیا گیا کہ ’آپ کے خیال میں لوگ کس کردار کو زیادہ پسند کریں گے؟
ہانیہ عامر نے کہا کہ ’مجھے لگتا ہے کہ وہاج علی کا کردار پسند کیا جارہا ہے پھر لگا کہ شاید میرا کردار پسند کیا جائے گا یہ بھی لگتا ہے کہ زاویار کا کردار پسند کیا جارہا ہے لیکن میں بہت کنفیوژ ہوں۔‘
انہوں نے کہا کہ ’چلیں دیکھتے ہیں مداح کس کے کردار کو زیادہ پسند کرتے ہیں۔‘
واضح رہے کہ ڈرامہ سیریل ’مجھے پیار ہوا تھا‘ کی 13ویں قسط آج رات 8 بجے نشر کی جائے گی۔
