اے آر وائی ڈٰیجیٹل کے ڈرامہ سیریل ’مجھے پیار ہوا تھا‘ میں ہانیہ عاعمر (ماہیر) کی اداکاری مداحوں کو بھا گئی۔
ڈرامہ سیریل ’مجھے پیار ہوا تھا‘ میں وہاج علی (سعد)، ہانیہ عامر (ماہیر)، زاویار نعمان (اریب)، شہود علوی، سلمیٰ حسن، سبینہ سید، نور الحسن، رابعہ کلثوم، جاوید شیخ، انجلین ملک، وشما فاطمہ، عائشہ مرزا، امبر خان، شاہین خان ودیگر اداکاری کے جوہر دکھا رہے ہیں۔
ڈرامے کی کہانی سدرہ سحر عمران نے لکھی ہے جبکہ اس کی ہدایت کاری کے فرائض بدر محمود نے انجام دیے ہیں۔
’مجھے پیار ہوا تھا‘ کی کہانی سعد، اریب اور ماہیر کے گرد گھومتی ہے، سعد چاچو کی بیٹی ماہیر سے محبت کرتے ہیں لیکن جب انہیں یہ معلوم ہوتا ہے کہ وہ اریب سے محبت کرتی ہیں تو وہ ان سے شادی سے انکار کردیتے ہیں لیکن اریب عین شادی کے وقت بارات لے کر نہیں پہنچتے جس کے بعد ماہیر کی شادی سعد سے ہوجاتی ہے اب اریب کی واپسی کے بعد ان کی زندگی پر پڑنے والے اثرات کو دکھایا جارہا ہے۔‘
گزشتہ قسط میں دکھایا گیا کہ اریب کہتے ہیں کہ ’تم سعد کو چھوڑ دو اس کے پیچھے کیوں اپنے آپ کو پریشان کررہی ہو۔‘
ماہیر کہتی ہیں کہ ’میرا تماشہ بنا کر رکھ دیا ہے۔‘ یہ کہتے ہیں وہ بیہوش ہوجاتی ہیں جس کے بعد انہیں اسپتال منتقل کیا جاتا ہے اور سعد کے اسپتال میں آتے ہی اریب غصے میں باہر چلے جاتے ہیں۔
سعد کہتے ہیں کہ ’تم ٹھیک ہو، پریشان نہیں ہو میں تمہارے ساتھ ہوں۔‘
گھر منتقل ہونے کے بعد ماہیر کہتی ہیں کہ ’تم نے کیسے سوچ لیا کہ میں اریب کے کہنے پر تمہیں چھوڑ دوں گی، سعد مجھے اگر تمہیں چھوڑنا ہوتا تو تمہیں کب کا چھوڑ چکی ہوتی، میں نے دل سے تمہیں قبول کرلیا ہے تمہیں میرے لیے میں نے نہیں میرے خدا نے چُنا ہے اور خدا کا انتخاب غلط نہیں ہوتا ہے۔‘
سعد کہتے ہیں کہ ’پتا ہے ماہی کچھ دیر پہلے ایسا لگ رہا تھا جیسے میرے ہاتھ میں کچھ بھی نہیں ہے بالکل خالی ہاتھ ہوں پر تمہاری اس بات کے بعد ایسا لگ رہا ہے جیسے پوری کائنات میری مٹھی میں ہے۔‘
کیا اریب ماہیر کا پیچھا چھوڑ دیں گے؟ یہ جاننے کے لیے 25ویں قسط پیر کی رات 8 بجے دیکھیں۔
