24سالہ چینی مکبنگ اسٹریمر پین شیاوٹنگ گزشتہ روز ایک لائیو ویڈیو کے دوران زیادہ کھانا کھانے کی وجہ سے موت کے منہ میں چلی گئی۔
چینی خبر رساں ادارے ہانکیونگ کی رپورٹ کے مطابق خاتون کی موت کی بنیادی وجہ ضرورت سے زیادہ کھانے کو قرار دیا گیا ہے۔
مکبنگ اسٹار شیاوٹنگ کے بارے میں بتایا جارہا ہے کہ وہ مکبنگ (یعنی ناظرین کی تفریح کے لیے بڑی مقدار میں کھانا کھانے) میں مہارت رکھتی تھی،جس کی ویڈیوز سوشل میڈیا پر وائرل بھی ہوتی تھیں۔
رپورٹ کے مطابق لائیو براڈ کاسٹ کے دوران شیاوٹنگ اچانک گری اور چل بسی، پوسٹ مارٹم رپورٹ میں پیٹ کی صورتحال نہ صرف بری طرح سے بگڑی ہوئی تھی اور معدے میں ہضم نہ ہونے والا کھانا بھرا ہوا تھا۔
شیاوٹنگ اپنی لائیو ویڈیوز میں بغیر وقفے کے دس دس گھنٹے تک کھانا کھاتی تھی۔ ایک موقع پر، انہوں نے مختلف پکوانوں کی 22 پاؤنڈ خوراک کھائی۔
اس کی اسی زیادہ کھانے کی عادت نے پہلے بھی اس کو معدے کے اندر خون بہنے کی وجہ سے اسپتال پہنچایا گیا تھا لیکن مداحوں کی تشویش کے باوجود اس نے ہسپتال سے فارغ ہونے کے اگلے ہی دن مکبنگ ویڈیوز بنانا شروع کردی تھیں۔
