ہفتہ, مئی 25, 2024
اشتہار

عوام سڑکوں پر آئیں گے تو حکومت خود گر جائے گی، مولانا فضل الرحمان

اشتہار

حیرت انگیز

اسلام آباد: جمعیت علما السلام ف کے سربراہ مولانا فضل الرحمان کا کہنا ہے کہ ہمارا احتجاج الیکشن کو کھیل بنانے والوں کےخلاف ہے، عوام سڑکوں پرآئیں گے تو حکومت خود گر جائے گی۔

تفصیلات کے مطابق جمعیت علما السلام ف کے سربراہ مولانا فضل الرحمان نے نجی ٹی وی چینل کے پروگرام میں گفتگو کرتے ہوئے کہا کہ عوام سڑکوں پرآئیں گے تو حکومت خود گر جائےگی، ہمارا احتجاج الیکشن کو کھیل بنانے والوں کے خلاف ہے۔

مولانا فضل الرحمان کا کہنا تھا کہ تحریک کا فوکس وہ قوت ہوگی جس نے نتائج تبدیل کیے، کیونکہ یہ حکومت ایسے نتائج پر بنی ہے جو ہمیں قبول نہیں۔

- Advertisement -

پاکستان تحریک انصاف سے رابطے کے سوال سربراہ جے یو آئی ف نے کہا کہ پی ٹی آئی کا مجھ سے رابطہ نہیں، جرم کوئی اور کرتا ہے، ذمہ داری سیاستدان اپنے سرلے لیتے ہیں۔

احتجاجی تحریک کے حوالے سے ان کا کہنا تھا کہ رمضان کےبعداحتجاج ہوگا،عوامی اسمبلیاں لگائیں گے۔

اسلام آباد ہائی کورٹ کے ججز کے خط سے متعلق مولانا فضل الرحمان نے کہا کہ پہلی مرتبہ ہائی کورٹ کے ججوں نے بھی آواز اٹھائی ہے، ججوں نے دھونس دھمکیوں اور مداخلت کی شکایت کی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں