ملتان : ایئر پورٹ سیکیورٹی فورس (اے ایس ایف) کے عملے نے ملتان ایئرپورٹ پر کامیاب کارروائی کرتے ہوئے کروڑوں روپے مالیت کی ہیروئن اسمگلنگ کی کوشش ناکام بنا کر ملزم کو گرفتار کرلیا۔
تفصیلات کے مطابق ملتان ایئرپورٹ پر اے ایس ایف کی ٹیم نے مسافر کی مشکوک حرکات پر اس کی تلاشی لی ملزم کے قبضے سے کروڑوں روپے مالیت کی ہیروئن برآمد ہوئی اے ایس ایف نے کارروائی کرتے ہوئے ہیروئن اسمگلنگ میں ملوث مسافر کو حراست میں لے لیا۔
- Advertisement -
اطلاعات کے مطابق غیر ملکی ایئر لائن کے ذریعے بحرین جانے والے مسافر سلیم خان کے سامان سے 3 کروڑ روپے تک مالیت کی 2 کلو گرام ہیروئن برآمد ہوئی۔
مسافر سلیم خان نے 2 کلو ہیروئن اپنے سامان میں مہارت سے چھپا رکھی تھی، ملزم کو ابتدائی تفتیش کے بعد مزید کارروائی کے لئے اے این ایف کے حوالے کر دیا گیا۔
