ملتان : 7 سالہ بچی کی گلا کٹی لاش برآمد ہوئی ، خالی پلاٹ میں کوڑے کے ڈھیر پر بچی کی لاش کو پھینکا گیا۔
تفصیلات کے مطابق ملتان میں وہاڑی روڈ اسٹیڈیم کے قریب سات سالہ بچی کی گلا کٹی لاش ملی ہے۔ ریسکیو حکام نے بتایا کہ نامعلوم شخص نے بچی کوقتل کر کے خالی پلاٹ میں پھینک دیا۔
ریسکیو1122 کا کہنا تھا کہ خالی پلاٹ میں کوڑے کے ڈھیرپربچی کی لاش کو پھینکا گیا تاہم پولیس تھانہ ممتاز آباد نے لاش تحویل میں لےکرتفتیش شروع کردی۔
یاد رہے کراچی کے علاقے گلبرگ قبائل کالونی میں کچرا کنڈی سے تین سالہ بچی کی لاش ملی تھی، جسے گلے میں پھندا لگا کر قتل کیا گیا تھا۔
اہل خانہ نے بتایا تھا کہ بہن بھائی مدرسے جانے کیلئے نکلے تو آمنہ بھی ان کے پیچھے گھر سے نکل گئی، والدہ تلاش کرتی رہی کچھ دیر بعد لاش گھر کے قریب کچرا کنڈی سے ملی۔
لواحقین کا کہنا تھا کہ بچی سوا سات بجے گھر سے نکلی اور لاش پندرہ سے بیس منٹ بعد گلی سے ملی۔
