ملتان: بہاولپور روڈ پر آئل مل کے کنوئیں میں زہریلی گیس کے باعث 4 افراد جاں بحق ہو گئے۔
تفصیلات کے مطابق ملتان میں بہاولپور روڈ پر قائم نجی آئل مل کے کنوئیں کی صفائی کے دوران زہریلی گیس سے 4 مزدور جاں بحق ہو گئے۔
ریسکیوحکام کے مطابق کنوئیں کی صفائی کے لیے اترنے والا شخص بے ہوش ہوا تو دیگر اسے نکالنے کے لیے نیچے اترے لیکن زہریلی گیس کی وجہ سے چاروں کی موت واقع ہو گئی۔
چاروں مزدوروں کی لاشیں نکال کر اسپتال منتقل کر دی گئیں، جب کہ پولیس نے واقعے کی رپورٹ درج کر کے قانونی کارروائی شروع کر دی ہے۔
ریسکیو ذرائع کا کہنا ہے کہ کنوئیں میں صابن اور تیل کی باقیات کی وجہ سے بنی زہریلی گیس موجود ہے۔
