ملتان : پی ایس ایل کی ٹیم ملتان سلطان کے کپتان محمد رضوان نے کہا ہے کہ شاہین شاہ آفریدی اور حارث رؤف دنیا کے ٹاپ باؤلرز میں شامل ہیں۔
یہ بات انہوں نے ملتان میں میڈیا سے گفتگو کرتے ہوئے کہی، ان کا کہنا تھا کہ ہم نے شاہین آفریدی کیخلاف نئی حکمت عملی مرتب کی ہے۔
ایک سوال کے جواب میں ان کا کہنا تھا کہ جو ٹیم بہادری کے ساتھ کھیلے گی وہ جیتے گی، شائقین کی محبت شاید ہمارے لیے زیادہ ہوگی، فلائٹ کے ایشو کی وجہ سے بہت سے کھلاڑی نہیں آسکے۔
محمدرضوان نے کہا کہ گراؤنڈ کی کرکٹ بہت مختلف ہے، شاہین اور حارث آپ کے ورلڈ کےٹاپ باؤلرز ہیں، احسان اللہ اچھی باؤلنگ کررہا ہے، ہمیں دوسرا حارث مل سکتا ہے۔
ملتان سلطان کے کپتان نے کہا کہ کل ہی پتہ چلے گا کہ پچ کس طرف جاتی ہے، میچ میں ڈیو فیکٹر تو اہم ہے، محمد رضوان نے بتایا کہ مجھے کون ٹف ٹائم دے سکتا ہے؟ اس حوالے سے ٹورنامنٹ کے بعد ہی بتاؤں گا، لیگوں سے ہمیشہ پیسے ہی ملتے ہیں۔
