ملتان: دفاعی چیمپئن ملتان سلطانز نے سنسنی خیز مقابلے کے بعد کراچی کنگز کو 3 رنز سے شکست دے دی ہے۔
تفصیلات کے مطابق محمد رضوان کی شاندار سینچری کی بدولت ملتان سلطانز نے کراچی کنگز کو جیت کے لئے 197 رنز کا ہدف دیا تھا۔
کراچی کنگز کی ٹیم مقررہ بیس اوورز میں 5 وکٹوں کے نقصان پر 193 رنز بناسکی، جیمزونس کی 75رنزکی طوفانی اننگز رائیگاں گئی جبکہ کپتان عمادوسیم کے46رنز بھی جیت کے کام نہ آسکے۔
ملتان سلطانز کی جانب سے عباس آفریدی نے 2 کھلاڑیوں کو آؤٹ کیا، خوشدل شاہ اور اسامہ میر کے حصے میں بھی ایک ایک وکٹ آئی۔
اس سے قبل ملتان نے مقررہ بیس اوورز میں صرف ایک وکٹ کے نقصان پر 196 رنز بنائے، کپتان محمد رضوان نے جارحانہ بلے بازی کرتے ہوئے شاندار سینچری اسکور کی۔
An innings to admire! Well played @iMRizwanPak 👏#YehHaiKarachi | #MSvKK | #HBLPSL8
— Karachi Kings (@KarachiKingsARY) February 22, 2023
رضوان نے پاکستان سپر لیگ کیریئر کی پہلی سینچری بنائی انہوں نے 110 رنز کی ناقابل شکست اننگ کھیلی، محمد رضوان کی اننگ میں 10 چوکے اور 4 بلند وبالا چھکے شامل تھے۔
کراچی کنگز کی جانب سے شعیب ملک اورمحمد عمرنےایک ایک وکٹ حاصل کی۔
کراچی کنگز کے کپتان عماد وسیم نے کہا کہ بیٹنگ لائن مضبوط ہے اسی لیے پہلے بولنگ کا فیصلہ کیا ہے، ٹیم میں تبدیلی سے متعلق کراچی کنگز کے کپتان کا کہنا تھا کہ ٹیم میں ایک تبدیلی کی گئی ہے۔
ٹاس کے موقع پر کراچی کنگز کے کپتان عماد وسیم نے کہا کہ بیٹنگ لائن مضبوط ہے اسی لیے پہلے بولنگ کا فیصلہ کیا ہے، ٹیم میں تبدیلی سے متعلق کراچی کنگز کے کپتان کا کہنا تھا کہ ٹیم میں ایک تبدیلی کی گئی ہے۔
انہوں نے بتایا کہ فاسٹ بولر محمد عامر کی جگہ محمد عمر کو ٹیم میں شامل کیا گیا ہے۔
Here's the lineup 👇#YehHaiKarachi | #MSvKK | #HBLPSL8 pic.twitter.com/enmZJBZFUM
— Karachi Kings (@KarachiKingsARY) February 22, 2023
فاسٹ بولر محمد عمر نے آج کراچی کنگز کی جانب سے ڈیبیو کیا ہے۔
Debut in the blue 💙
Mohammad Umer makes his debut for Kings 👏#YehHaiKarachi | #MSvKK | #HBLPSL8 pic.twitter.com/rqoEtN71p1
— Karachi Kings (@KarachiKingsARY) February 22, 2023
پی ایس ایل میں اب تک دونوں ٹیموں کے باہمی مقابلوں پر نظر ڈالی جائے تو اس میں کراچی کنگز کا پلڑا بھاری نظر آتا ہے۔ دونوں ٹیموں کے مابین اب تک 9 میچز کھیلے گئے ہیں جن میں سے کنگز نے 5 میچوں میں فتح اپنے نام کی ہے۔
تمام میچز اے اسپورٹس پر براہ راست دکھائے جا رہے ہیں۔
