ملتان میں کھیلے جا رہے پاک، انگلینڈ ٹیسٹ پہلے ٹیسٹ میچ کے پہلے چائے کے وقفے تک میزبان ٹیم نے ایک وکٹ کھو کر 233 رنز بنا لیے ہیں۔
پاکستانی کپتان شان مسعود ٹاس جیت کر پہلے بلے بازوں کو آزمانے کا فیصلہ کیا ہے اور عبداللہ شفیق کے ساتھ صائم ایوب نے اننگ کا آغاز کیا۔ تاہم وہ ٹیم کو بڑا آغاز فراہم کرنے میں ناکام رہے اور 8 کے مجموعی اسکور پر صائم ایوب چار رنز بنا کر آکٹسن کی وکٹ بن گئے۔
اس کے بعد شان مسعود نے وکٹ پر چارج سنبھالا اور چائے کے وقفے تک عبداللہ شفیق کے ساتھ مل کر دوسری وکٹ کے لیے ناقابل شکست 225 رنز کی پارٹنر شپ قائم کر دی ہے۔
دونوں بلے بازوں نے پہلے سیشن میں اپنی اپنی نصف سنچریاں مکمل کیں اور کھانے کے وقفے کے بعد شان مسعود نے قدرے جارحانہ انداز اختیار کرتے ہوئے اپنی سنچری مکمل کی۔
چائے کے وقفے تک شان مسعود 130 جب کہ عبداللہ شفیق 94 رنز پر کھیل رہے ہیں۔
View this post on Instagram
یاد رہے کہ پہلے ٹیسٹ میچ میں انگلینڈ ٹیم کو اپنے ریگولر کپتان اسٹار آل راؤنڈر بین اسٹوکس کی خدمات حاصل نہیں۔ وہ انجری کے باعث پہلا میچ نہیں کھیل رہے۔ ان کی جگہ نوجوان بلے باز اولی پوپ ٹیم کی قیادت کر رہے ہیں۔
View this post on Instagram
پہلے ٹیسٹ میچ کے لیے دونوں ٹیمیں ان کھلاڑیوں پر مشتمل ہیں۔
ٹیم پاکستان:
شان مسعود (کپتان)، سعود شکیل (نائب کپتان)، بابر اعظم، صائم ایوب، عبداللّٰہ شفیق، محمد رضوان، سلمان علی آغا، عامر جمال، شاہین شاہ آفریدی، نسیم شاہ اور ابرار احمد
ٹیم انگلینڈ:
اولی پوپ (کپتان)، زک کرولی، بین ڈکٹ، جو روٹ، ہیری بروک، جمی اسمتھ، کرس ووکس، بریڈن کرس، گس آٹکنسن، جیک لیچ، شعیب بشیر۔
پاکستان اور انگلینڈ کے درمیان تین ٹیسٹ میچوں کی سیریز آئی سی سی ورلڈ ٹیسٹ چیمپئن شپ کا حصہ ہے اور دونوں ٹیموں کے لیے اہم ہے
اس سیریز سے قبل پاکستان کو ہوم گراؤنڈ پر بنگلہ دیش سے دو ٹیسٹ میچوں کی سیریز میں وائٹ واش کی ہزیمت کا سامنا کرنا پڑا جب کہ انگلینڈ کی ٹیم نے گزشتہ سیریز میں اپنی سر زمین پر پاکستانی ٹیم کو وائٹ واش کیا تھا۔
پاکستان نے اپنی سر زمین پر گزشتہ ساڑھے تین سال میں 11 ٹیسٹ میچز کھیلے ہیں لیکن ایک میچ بھی نہیں جیت سکی ہے۔
پاکستان اور انگلینڈ کے درمیان پہلا ٹیسٹ 7 اکتوبر اور دوسرا 15 اکتوبر کو ملتان کرکٹ اسٹیڈیم میں کھیلا جائے گا جب کہ تیسرا اور آخری ٹیسٹ میچ 26 اکتوبر سے پنڈی کرکٹ اسٹیڈیم میں ہوگا۔
سیریز کے تینوں میچ اے اسپورٹس پر براہ راست دکھائے جائیں گے۔
دونوں ٹیموں کے کپتانوں نے ٹیسٹ سیریز کی ٹرافی کی رونمائی کی تھی۔
