ویسٹ انڈیز کے خلاف جاری میچ کے دوران جہاں پاکستان میں ٹیسٹ کرکٹ کا نیا ریکارڈ قائم ہوا وہیں ملتان کرکٹ اسٹیڈیم نے بھی منفرد بن گیا۔
پاکستان اور ویسٹ انڈیز کے درمیان دوسرے ٹیسٹ میچ کے پہلے روز مہمان اور میزبان دونوں ٹیموں کی پہلی اننگز تمام ہوئیں یوں ایک ہی دن 2 وکٹیں گریں جو پاکستان میں پہلی بار ہوا۔
اس میچ میں ویسٹ انڈیز کی ٹیم پہلی اننگ میں 41.1 اوور کھیل کر 161 رنز پر پویلین لوٹی۔ جواب میں میزبان پاکستان ٹیم صرف 47 اوورز میں 154 رنز پر ڈھیر ہوگئی۔
یوں ٹیسٹ میچ کی تاریخ میں پہلے دن مقررہ 90 اوورز کا کھیل مکمل ہونے سے قبل ہی 20 وکٹیں گر گئیں۔
تاہم اس کے ساتھ ہی ملتان کرکٹ اسٹیڈیم کو یہ اعزاز بھی حاصل ہوا کہ اس میدان میں کسی بھی میچ کے ایک ہی روز 20، 19 اور 18 وکٹیں گریں۔
اس سے قبل رواں سیریز کے پہلے ٹیسٹ میچ کے دوسرے روز کے کھیلے میں 19 کھلاڑیوں کے آؤٹ ہونے کا ریکارڈ بنا تھا جب کہ 2004 میں بنگلہ دیش کے خلاف ٹیسٹ میچ میں ایک ہی دن میں 18 وکٹیں گری تھیں۔
پاکستان اور ویسٹ انڈیز کے درمیان دوسرا ٹیسٹ میچ جاری ہے اور اب تک ہونے والے کھیل کے مطابق مہمان ٹیم کی پوزیشن مستحکم ہوچکی ہے۔
ملتان ٹیسٹ دوسرے دن کا کھیل ختم: پاکستان کو جیت کیلیے 178 رنز، ویسٹ انڈیز کو 6 وکٹیں درکار
