بھارت کے شہر ممبئی میں موسلادھار بارشوں کا سلسلہ جاری ہے، جس کے باعث نظام زندگی بری طری متاثر ہوگیا ہے۔
بین خبر رساں ادارے کی رپورٹ کے مطابق گزشتہ شام ہونے والی بارش کے باعث کئی سڑکیں تالاب کا منظر پیش کرنے لگی ہیں، جس سے ٹریفک کی روانی بری طرح متاثر ہوئی ہے جبکہ کچھ پروازوں کا رُخ بھی تبدیل کردیا گیا ہے۔
بھارت کے محکمہ موسمیات کے مطابق آج بھی ممبئی اور دیگر علاقوں میں بارش موسلادھار کا امکان ہے جس کی وجہ سے آج اسکولوں اور کالجوں میں تعطیل کا اعلان کردیا گیا ہے۔
میڈیا رپورٹس کے مطابق ایک خاتون اندھیری کے علاقے میں کھلے مین ہول میں گر کر جان کی بازی ہار گئی، جس کی لاش نکال لی گئی۔
بھارتی میڈیا کا کہنا ہے کہ بارش کے امکان کے باعث آج بھی کچھ فلائٹس کا شیڈول متاثر ہونے کا امکان ہے۔
اس سے قبل نیپال میں مون سون اسپیل نے تباہی مچا دی، مختلف واقعات میں 47 افرد ہلاک ہو گئے۔
دارالحکومت کھٹمندو سمیت نیپال کے دیگر شہروں میں شدید بارش اور لینڈ سلائیڈ نے نظام زندگی درہم برہم کر دیا۔
عمان میں کب سے بارشیں ہوں گی؟
وزارت داخلہ کے ریکارڈ کے مطابق بارش کا موسم شروع ہونے کے بعد سے ایک ماہ سے بھی کم عرصے میں نیپال میں سیلاب، لینڈ سلائیڈنگ اور آسمانی بجلی گرنے کے واقعات میں کم از کم سنتالیس افراد ہلاک ہو چکے ہیں۔
