The news is by your side.

Advertisement

سپریم کورٹ کا ممتاز قادری کی سزا موت برقرار رکھنے کا حکم

اسلام آباد : سپریم کورٹ نے سلمان تاثیر قتل کیس میں ملزم ممتاز قادری کی سزا کیخلاف اپیل مسترد کرتے ہوئے سزائے موت کا فیصلہ برقرار رکھا ہے،اور ہائیکورٹ کی طرف سے معطل کی گئی دہشت گردی کی دفعات بھی بحال کردیں ۔

تفصیلات کے مطابق سلمان تاثیر قتل کیس میں سزا یافتہ مجرم ممتاز قادری کی سزا کیخلاف اپیل پرسپریم کورٹ نے ٹرائل کورٹ کا فیصلہ برقرار رکھتے ہوئے سزائے موت کے فیصلے کو درست قرار دیا ہے۔

مذکورہ کیس کی سماعت جسٹس آصف سعید کھوسہ کی سربراہی میں سپریم کورٹ کے 3 رکنی بینچ نے کی۔

وفاق کی طرف سے مؤقف تھا کہ توہین رسالت کے قوانین موجود ہیں اس لئے کسی کو یہ حق حاصل نہیں کہ وہ خود فیصلہ کرے۔ اس کا فیصلہ صرف عدالت ہی کرسکتی ہے ۔

تین رکنی بینچ نے ممتاز قادری کیس میں ہائیکورٹ کی طرف سے معطل کی گئی دہشت گردی کی دفعات بھی بحال کردیں۔

یادرہے کہ ٹرائل کورٹ نے سابق گورنرسلمان تاثیر کے قتل کیس میں ممتاز قادری کی طرف سے اعتراف جرم کے بعد دومرتبہ سزائے موت سنائی تھی ۔

Print Friendly, PDF & Email

Comments

comments

یہ بھی پڑھیں