اداکار منیب بٹ کا کہنا ہے کہ شادیوں میں کبھی کھانا ضائع نہیں ہوتا اسے مہمان ضائع کرتے ہیں۔
اداکارہ ایمن خان اور منال خان کے بھائی معاذ خان حال ہی میں رشتہ ازدواج میں منسلک ہوئے جس کی ویڈیوز اور تصاویر سوشل میڈیا پر وائرل ہوگئیں۔
لیکن منیب بٹ شادی میں شرکت کرنے والے مہمانوں پر غصہ ہوگئے۔
انہوں نے کھانے کی پلیٹ بھرنے اور بعدازاں اسے ختم نہ کرنے اور ضائع کرنے پر برہمی کا اظہار کیا۔
منیب بٹ نے ویڈیو میں ٹیبل پر رکھی پلیٹوں کو دکھایا اور کہا کہ میں نے تین بار کچن کا دورہ کیا ہے، شادیوں میں کھانا کبھی ختم نہیں ہوتا جب تک مہمان اسے ضائع نہ کریں۔
اداکار نے بچے ہوئے کھانے سے بھری پلیٹوں کو کیمرے پر دکھایا اور کہا کہ اب یہ سارا کھانا ضائع ہوگیا ہے۔
ویڈیو میں اداکار مہمانوں کی جانب سے اس لاپرواہی پر لاجواب اور افسوس کرتے نظر آ رہے ہیں۔
دوسری جانب اس وائرل ویڈیو کے کمنٹ باکس میں منیب بٹ کے مداح، فالوورز و انٹرنیٹ صارفین اپنی اپنی رائے کا اظہار کر رہے ہیں۔
صارفین کا کہنا ہے کہ منیب بٹ نے اپنے وی لاگ میں مثبت بات کر کے معاشرے کی اصلاح کی کوشش کی ہے۔
