پاکستانی ڈرامہ انڈسٹری کے معروف اداکار منیب بٹ نے موجودہ سیاسی صورتحال پر وزیراعظم عمران خان کی حمایت میں ٹویٹ کردیا۔
اداکار منیب بٹ نے موجودہ سیاسی صورتحال پر اظہار خیال کرتے ہوئے لکھا کہ ’وزیراعظم عمران خان کہیں نہیں جارہے وہ اپنے عہدے پر برقرار رہیں گے۔
منیب بٹ نے لکھا کہ میرے اس ٹویٹ کو محفوظ کرلیں کہ وزیراعظم عمران خان کہیں نہیں جارہے۔
Save this tweet PM IK is not going anywhere!
What do You think Btw ..?#NoConfidenceMotion— Muneeb Butt (@muneeb_butt9) March 17, 2022
اداکار نے سوشل میڈیا صارفین سے ان کی رائے دریافت کی اور لکھا کہ ویسے اس بارے میں آپ کا کیا خیال ہے جس پر صارفین کا ملا جلا ردعمل دیکھا گیا۔
واضح رہے کہ اپوزیشن ارکان کی جانب سے وزیرِ اعظم عمران خان کے خلاف قومی اسمبلی سیکرٹریٹ میں تحریکِ عدم اعتماد جمع کرانے کے بعد ان دنوں سیاسی صورتحال کافی گرم ہے، ایسے میں اداکار بھی اپنے خیالات ظاہر کررہے ہیں۔