کراچی: کراچی اورحیدرآباد میں بلدیاتی الیکشن ہونگےیا نہیں؟کشمکش برقرار ہے۔
ذرائع کے مطابق بلدیاتی الیکشن کے انعقاد سے متعلق سندھ حکومت اور قانون نافذ کرنے والے اداروں کے درمیان مشاورت ہوئی ہے، جس میں وزیراعلیٰ سندھ مراد علی شاہ نے صوبے میں امن وامان سے متعلق چیف سیکریٹری اورآئی جی سندھ سے تبادلہ خیال کیا۔
ذرائع کا کہنا ہے کہ سیکیورٹی اداروں کی جانب سے تھریٹ پر سندھ حکومت کوا ٓگاہ کردیا گیا ہے، قانون نافذ کرنےوالےاداروں نے سندھ حکومت کو مشورہ دیا ہے کہ صورتحال دیکھ کر بلدیاتی انتخابات سے متعلق فیصلہ سوچ سمجھ کر کیا جائے۔
ذرائع کا کہنا ہے کہ وزیراعلیٰ سندھ نے موجودہ صورتحال پرپارٹی قیادت سےرائے لے لی ہے، کراچی کے بلدیاتی الیکشن سےمتعلق آج رات بڑے فیصلےکا امکان ہے۔
یہ بھی پڑھیں: بلدیاتی انتخابات میں دہشتگردی کا خطرہ، ہائی الرٹ جاری
واضح رہے کہ قانون نافذ کرنے والے اداروں نے کراچی اور حیدرآباد میں 15 جنوری کو شیڈیول بلدیاتی انتخابات میں دہشت گردی کا خطرہ ظاہر کیا ہے۔
ذرائع کے مطابق کالعدم ٹی ٹی پی اور بی ایل اے کے دہشت گرد عناصر بلدیاتی انتخابات میں دہشت گردی کرسکتے ہیں۔
ادھر الیکشن کمیشن آف پاکستان نے کراچی اور حیدر آباد میں بلدیاتی الیکشن کے لیے پولنگ کے سامان کی ترسیل کا کام شروع کر رکھا ہے۔
