الیکشن کمیشن نے کراچی میں بلدیاتی انتخابات کی تازہ پارٹی پوزیشن جاری کر دی.
تازہ نتائج کے مطابق کراچی کے بلدیاتی انتخابات میں پیپلزپارٹی 60 نشستوں کے ساتھ پہلےنمبر پر ہے جب کہ جماعت اسلامی کی 42 نشستیں ہیں۔ پی ٹی آئی 26 نشستوں کیساتھ تیسرےنمبر پر ہے۔
تازہ پارٹی پوزیشن میں مسلم لیگ ن 4 نشستوں کےساتھ چوتھےنمبر پر ہے۔ ایم کیوایم، جےیوآئی ف، ٹی ایل پی اور آزادامیدوار ایک ایک یوسی پر کامیاب۔
الیکشن کمیشن کا کہنا ہے کہ کراچی ڈویژن کے99 یونین کونسلز کےنتائج آنا باقی ہیں۔
کراچی میں جماعت اسلامی، پی ٹی آئی اور پی پی پی میں سخت مقابلہ جاری ہے۔ حیدرآباد، بدین اورسندھ کے دیگر اضلاع میں پیپلزپارٹی کو برتری حاصل ہے۔ تاہم مجموعی طور پر ٹرن آؤٹ انتہائی کم رہا۔ ضلع وسطی اور شرقی میں جماعت اسلامی کے زیادہ امیدوار کامیاب ہوئے۔ ضلع ملیر اور جنوبی میں تیر چل گیا۔ لیاری اورکیماڑی میں بھی جیالوں نے میدان مارلیا۔