The news is by your side.

Advertisement

وزیر اعظم نے منیر اکرم کو اقوام متحدہ میں ملیحہ لودھی کی جگہ مستقل مندوب مقرر کردیا

اسلام آباد: وزیراعظم عمران خان نے اقوام متحدہ میں ملیحہ لودھی کی جگہ منیر اکرم کو مستقل مندوب مقرر کردیا۔

تفصیلات کے مطابق وزیراعظم عمران خان نے اقوام متحدہ میں پاکستان کے مستقبل مندوب پر بڑا فیصلہ کرتے ہوئے منیر اکرم کو ملیحہ لودھی کی جگہ مستقل مندوب مقرر کردیا ہے۔

ترجمان دفتر خارجہ کے مطابق ڈی جی یو این خلیل احمد ہاشمی کو جنیوا میں مستقل نمائندہ مقرر کیا گیا ہے، پیانگ یانگ میں ناظم الامور سید سجاد حیدر کو کویت میں سفیر مقرر کردیا گیا ہے۔

ڈاکٹر فیصل کے مطابق ٹورنٹو میں قونصل جنرل عمران صدیقی کو ڈھاکا میں پاکستانی ہائی کمشنر مقرر کیا گیا ہے، ایڈیشنل سیکریٹری محمد اعجاز ہنگری میں پاکستان کے سفیر ہوں گے۔

مزید پڑھیں: وزیراعظم کا کارکردگی نہ دکھانے والے وزرا کو گھر بھیجنے کا عندیہ

ترجمان دفتر خارجہ کے مطابق عبدالحمید کو پاکستانی سفارتخانے ٹورنٹو میں قونصل جنرل تعینات کیا گیا ہے، ابرار ہاشمی کو ہیوسٹن میں قونصل جنرل تعینات کردیا گیا ہے۔

ترجمان دفتر خارجہ کا کہنا ہے کہ محمد سعد خٹک سری لنکا میں پاکستانی ہائی کمشنر ہوں گے۔

واضح رہے کہ اس سے قبل وزیراعظم کی زیر صدارت پی ٹی آئی کی پارلیمانی پارٹی کا اجلاس ہوا تھا، وزیراعظم کا کہنا تھا کہ جن وزرا کی کارکردگی ٹھیک نہیں انہیں تبدیل کروں گا۔

عمران خان نے اسد عمر کو بھی نئی ذمہ داریاں دینے کا عندیہ دیا ہے، اسد عمر سے وزیراعظم کا مکالمہ ہوا، اسد عمر نے کہا کہ آج کل فارغ ہوں ارکان اسمبلی سے ملاقات کرتا رہتا ہوں، وزیراعظم نے کہا کہ زیادہ دیر فارغ نہیں رہو گے۔

Comments

comments

یہ بھی پڑھیں