اے آر وائی ڈیجیٹل کے ڈرامہ سیریل ’مقدر کا ستارہ‘ میں ’ہادیہ‘ کا کردار نبھانے والی اداکارہ فاطمہ آفندی نے مداحوں سے مشورہ مانگ لیا۔
آئی ڈریم انٹرٹینمنٹ اور اے آر وائی ڈیجیٹل کی مشترکہ پیشکش ڈرامہ سیریل ’مقدر کا ستارہ‘ کی کاسٹ میں آریز احمد (فیضان)، فاطمہ آفندی (ہادیہ)، عنایت خان (راضی) بابر علی (صفدر، فیضان کے والد)، رمہا احمد (نتاشا) نادیہ حسین (فیضان کی والدہ)، لائبہ خان (ہادیہ کی بہن، فضا) تانیہ حسین (رمشا)، سلمی حسن ودیگر شامل ہیں۔
ڈرامے کی کہانی صائمہ اختر نے لکھی ہے جبکہ اس کی ہدایت کاری کے فرائض ثاقب ظفر خان نے انجام دیے ہیں۔
’مقدر کا ستارہ‘ کی کہانی پوش گھرانے سے تعلق رکھنے والے فیضان کے اور متوسط طبقے کی لڑکی ہادیہ کے گرد گھومتی ہے، فیضان (بگڑے بیٹے) کو سدھارنے کے لیے صفدر اپنے قریبی دوست کے بیٹے ہادیہ سے ان کی شادی کروادیتے ہیں لیکن وہ شوہر کے رویے سے تنگ آجاتی ہیں، ساس (نادیہ حسین) بھی ہادیہ کو پسند نہیں کرتیں۔‘
گزشتہ اقساط میں دکھایا گیا کہ ’فیضی بہن نتاشا سے کہتے ہیں کہ ’ماما اور تم ساتھ ساتھ ہوتے ہو میری بیوی کے خلاف کوئی پلان تو نہیں کررہے، بہن کہتی ہیں کہ ’بیوی کہیں تم نے اسے قبول تو نہیں کرلیا۔‘
فیضی بہن سے بولتے ہیں کہ ’وہ بالکل گڑیا جیسی ہے پیاری ہے۔‘ خوبصورت ہے جب ساتھ ہوتی ہے اچھا لگتا ہے۔‘
ایک قسط میں دکھایا ’فیضی کا رویہ نہیں بدلا ہے اور وہ ہادیہ کے دوست راضی سے بھی جیلس ہوجاتے ہیں جبکہ راضی اور ہادیہ کے درمیان دوستی ہے اور وہ انہیں ہر لمحے سپورٹ بھی کرتے ہیں۔
فوٹو اور ویڈیو شیئرنگ ایپ انسٹاگرام پر فاطمہ آفندی نے عنایت خان کے ساتھ تصویر شیئر کی جس میں دونوں اداکاروں کو خوشگوار موڈ میں دیکھا جاسکتا ہے۔
اداکارہ نے پوسٹ شیئر کرتے ہوئے کیپشن میں لکھا کہ ’کون چاہتا ہے کہ ہادیہ راضی کے ساتھ دوستی ختم کرلے، براہ کرم فیڈ بیک دیں،‘ انہوں نے پوسٹ میں عنایت خان کو مخاطب کیا اور ساتھ ہی ’مقدر کا ستارہ‘ کا ہیش ٹیگ بھی بنایا۔
ڈرامے میں کیا ہونے جارہا ہے؟ کیا ہادیہ، فیضی سے محبت کرنے لگیں گی، کیا فیضی کا رویہ ہادیہ کو ان سے دور کردے گا، یہ جاننے کے لیے ڈرامہ سیریل ’مقدر کا ستارہ‘ روزانہ شام 7 بجے دیکھیں۔
