فواد چوہدری کی بات کو سنجیدگی سے نہیں‌ لیا، پیپلزپارٹی مضبوط اپوزیشن کا کردار ادا کرے گی: مراد علی شاہ
The news is by your side.

Advertisement

فواد چوہدری کی باتیں سنجیدہ نہیں ہوتیں، پیپلزپارٹی مضبوط اپوزیشن کا کردار ادا کرے گی: مراد علی شاہ

کراچی: وزیر اعلیٰ سندھ مراد علی شاہ نے کہا ہے کہ فوادچوہدری کی باتیں سنجیدہ نہیں ہوتیں،  پیپلزپارٹی مضبوط اپوزیشن کا کردار ادا کرے گی۔

تفصیلات کے مطابق وزیراعلیٰ سندھ نے وفاقی وزیر اطلاعات کے بیان پر ردعمل دیتے ہوئے کہا ہے کہ فواد چوہدری کی باتوں‌ کو سنجیدگی سے نہیں لینا چاہیے.

یاد رہے کہ فواد چوہدری نے آج اپنے ایک بیان میں کہا تھا کہ آصف زرداری سیاست دانوں کے بجائے وکلا سے ملاقاتوں کوترجیح دیں، زرداری صاحب نوٹ کمانے کے چکر میں ووٹ کھو چکے ہیں.

مردار علی شاہ کا کہنا تھا کہ آصف زرداری سیاسی رہنماہیں، سیاست دانوں سے ملتے رہیں گے، آصف زرداری عوامی آدمی ہیں، مستقبل میں بھی سیاست دانوں سے ملاقاتیں جاری رکھیں گے.

انھوں نے مزید کہا کہ ماضی میں آصف زرداری کے اقدامات سے جمہوریت کو  فائدہ ہوا تھا، پیپلزپارٹی عوامی نمائندگی کرتے ہوئے مضبوط اپوزیشن کا کردار ادا کرے گی.

مزید پڑھیں: پی ٹی آئی کو ٹف ٹائم دینے کیلئے اپوزیشن کا 31اکتوبرکواےپی سی بلانے کا امکان

مزید پڑھیں: زرداری صاحب نوٹ کمانے کے چکرمیں ووٹ کھو چکے ہیں،فواد چوہدری

واضح رہے کہ حکومت کو ٹف ٹائم دینے کے لیے پاکستان پیپلزپارٹی کے شریک چیئرمین آصف علی زرداری نے گذشتہ روز  مولانا فضل الرحمان سے ملاقات کی تھی.

اپوزیشن پارٹیوں نے جلد آل پارٹی کانفرنس بلانے کا بھی عندیہ دیا ہے.

Comments

comments

یہ بھی پڑھیں