لاہور : تحریک انصاف کے رہنما مراد سعید نے گرفتاری کے خدشے کے پیش ںظر ہائیکورٹ سے رجوع کرلیا، جس میں زیر تفتیش کیسز کی تفصیلات فراہم کرنے کی استدعا کی۔
تفصیلات کے مطابق تحریک انصاف کے رہنما مراد سعید نے ہائیکورٹ میں درخواست دائر کردی ، جس میں عبوری ضمانت اور زیر تفتیش کیسز کی تفصیلات فراہم کرنے کی استدعا کی گئی ہے۔
مراد سعید نے پی ٹی آئی رہنماؤں کے کیسز کی تفصیلات اور گرفتاری سے روکنے کی بھی استدعا کی۔
درخواست میں وفاق،آئی جی پنجاب، سندھ، بلوچستان ،کےپی حکومت سمیت ڈی جی ایف آئی اے اور چیئرمین نیب کوفریق بنایاگیا ہے۔
مراد سعید نے کہا ہے کہ وفاق اور صوبائی حکومتیں پی ٹی آئی رہنماؤں کیخلاف مسلسل مقدمات کررہی ہیں، تحریک انصاف کے رہنماؤں کو سیاسی انتقام کا نشانہ بنایا جا رہا ہے، رہنماؤں کیخلاف کارروائیاں آئین وقانون کیخلاف ہیں۔
Comments
- Advertisement -
