The news is by your side.

Advertisement

کھربوں کی کرپشن، ‘بڑے میاں تو قطری خط لیکر آئے چھوٹے میاں خدا جانے کیا ایجاد کرتے ہیں’

اسلام آباد : وفاقی وزیر مواصلات مرادسعید کا کہنا ہے کہ شہزاداکبرنےکمال یہ کیا ہے اکاؤنٹس کی تفصیلات بھی قوم کےسامنےرکھ دی ہیں، چھوٹے میاں کے چپڑاسی کے نام پر ڈیڑھ ارب کی ٹرانزیکشن ہوئی  ، بڑے میاں تو قطری خط لیکر آئے چھوٹے خدا جانے کیا ایجاد کرتے ہیں۔

تفصیلات کے مطابق وفاقی وزیر مواصلات مرادسعید نے شہباز شریف کی کرپشن کے حوالے سے اپنے بیان میں کہا کہ پوری قوم شہزاد اکبر کی پریس کانفرنس دیکھ چکی ہے، ثبوت دکھائے گئے چھوٹےمیاں نے پنجاب لوٹ کرکھربوں کی کرپشن کی اور بڑے میاں کی منی لانڈرنگ کا مرکزی کردار انکے سمدھی تھے، بڑے میاں نے سمدھی کے ذریعے آف شور کمپنیوں کا جال بچھایا۔

مراد سعید کا کہنا تھا کی چھوٹےمیاں نےعوام کاپیسہ بیٹوں کےدوستوں کےذریعےٹھکانے لگانےکی کوشش کی، کرپشن کا پیسہ ٹھکانے لگانے والوں کو وزیراعلیٰ کے دفتر میں سرکاری نوکربناکربٹھایاگیا، یہ کارندے سرکاری گاڑیوں،پروٹوکول میں لوٹ مار کا پیسہ ذاتی رہائشگاہ تک پہنچاتے تھے۔

وفاقی وزیر مواصلات نے کہا کہ پیسہ ٹی ٹیز کے ذریعے اپنے اکاؤنٹس میں واپس منگوایا جاتاتھا، چھوٹے میاں کے چپڑاسی کے نام پر ڈیڑھ ارب کی ٹرانزیکشن ہوئی ، اس پیسے سے چھوٹے میاں بیگمات کیلئے تحائف خریدا کرتے تھے، پکڑے جانےپر چھوٹے میاں کہتے ہیں میں بیٹوں یا بیگمات کاجوابدہ نہیں ہوں۔

ان کا کہنا تھا کہ ذرائع آمدن کا پوچھا تو کہنے لگے 10،8بھینسیں ہیں جن کا دودھ بیچ کر گزر بسر کرتاہوں، بڑے میاں کی طرح چھوٹے میاں کیلئےبھاگ جاناکسی طورممکن نہیں، رسیدیں بڑے میاں کو ملیں نہ چھوٹے میاں کو مل رہی ہیں، بڑے میاں تو قطری خط لیکر آئے چھوٹے خدا جانے کیا ایجاد کرتے ہیں۔

مراد سعید نے مزید کہا کہ شہزاداکبرنےکمال یہ کیا ہے اکاؤنٹس کی تفصیلات بھی قوم کےسامنےرکھ دی ہیں۔

fb-share-icon0
Tweet 20

Comments

comments

یہ بھی پڑھیں