The news is by your side.

Advertisement

باڈی بلڈر کے قتل کا ڈراپ سین، سگا بھائی ڈرامائی انداز میں گرفتار

مریدکے : چند روز قبل مریدکے کے رہائشی تن ساز نوجوان کے قتل کا معمہ حل ہوگیا پولیس نے مستعدی کا مظاہرہ کرتے ہوئے قاتل کو پکڑ کر حوالات میں بند کردیا۔

معروف تن ساز و پلے دار نفیس چیمہ کے اندھے قتل میں کوئی اور نہیں اس کا سگا بھائی ملوث نکلا ، گرفتار ملزم کے قبضے سے واردات میں استعمال ہونے والا اسلحہ بھی برآمد کرلیا گیا۔

اس حوالے سے پولیس حکام کا کہنا ہے کہ ملزم عتیق نے معمولی جھگڑے کے بعد اپنے بھائی نفیس کو گولی مار کر قتل کردیا۔

پولیس کے مطابق موبائل فون ڈیٹا کی مدد سے ملزم عتیق کی گرفتاری عمل میں لائی گئی، ملزم نے قتل کے بعد بھائی کی لاش کھیتوں میں پھینکی۔

قانون کو دھوکہ دینے کیلئے ملزم نے مقتول نفیس کے سسرال کو مقدمے میں بھی پھنسانے کی کوشش کی، ملزم پولیس کے ساتھ مل کر قاتل تلاش کرنے کا ڈرامہ کرتا رہا۔

پولیس کا کہنا ہے کہ جدید ٹیکنالوجی کی مدد سے مقتول کے چھوٹے بھائی عتیق چیمہ کو حراست میں لیکر تفتیش کی گئی تو ملزم نے اعتراف جرم کرتے بتایا اس نے اپنے بھائی کو معمولی جھگڑے کی وجہ سے قتل کیا۔

Comments

یہ بھی پڑھیں